Qala tórindegi Qanysh Sátbaevtyń eskertkishine gúl shoqtaryn qoıýdan bastalǵan saltanatty is-shara Sh.Dildebaev atyndaǵy Kenshiler saraıynda jalǵasyn tapty. Bul jerde birqatar eńbek ozatyna túrli deńgeıdegi «Kenshi dańqy» tósbelgisi tabystaldy, basqa da syı-sııapat jasaldy, án-kúıden shashý shashyldy. Bári durys-aý. Biraq...
«Eńbek adamyn ulyqtaý» dep atalǵan osy saltanattan Jezqazǵan kenshileriniń arasynan shyqqan Qazaqstannyń Eńbek Eri Tursynbek Mákishevtiń syrt qalyp qoıǵanyn qalaı túsinýge bolady? «Eshqandaı da is-sharaǵa shaqyrǵan joq. Sondaı jıyn ótip jatqanyn estigen de emespin», deıdi ózi.
Sonda qalaı bolǵany? Uly ǵalym Q.Sátbaevtyń eskertkishine gúl shoǵyn qoıý rásimi kezinde «Qazaqmys» korporasııasy» JShS basqarma tóraǵasy N.Nurıevtiń qasynda keýdesinde juldyzy jarqyrap Eńbek Eri atanǵan kenshi tursa jarasymdy bolmas pa edi? Onyń ózi de «Juldyzdy jigitimiz umyt qalmasyn» dep tapsyrma bere qoımaǵanǵa uqsaıdy. Áıtpese, Eńbek Eri eskerýsiz qalmas edi ǵoı...
Sol is-sharaǵa qatysqan Ulytaý oblysy ákiminiń orynbasary U.Úsenov te «osy ólkedegi jalǵyz Eńbek Eriniń kózge shalynbaıtyny nesi?» dep, eshkimnen suraı qoımaǵan syńaıly. Sátbaev qalasynyń ákimi Sh.Áýbákirdiń de buǵan mán bere qoımaǵany baıqalady.
Elimizde Eńbek Eri atanǵan azamattar sonshalyqty kóp emes. Bul oraıda, Sátbaev qalasynyń aty ozyp tur dese bolady. О́ıtkeni oblystaǵy jalǵyz altyn juldyzdy azamat osy qalada turady. О́kinishke qaraı, mańdaı teri, aq adal eńbegi el Prezıdenti Qasym-Jomart Toqaevtyń tarapynan laıyqty baǵasyn alǵan eńbek adamynyń basqasy basqa, naq áriptes kenshileri marapattalyp jatqan jıynnyń tórinen tabylmaýy túsiniksiz.
Ulytaý oblysy
