Foto: ashyq derekkóz
Qarjy mınıstrligi usynǵan esep boıynsha, 2024 jyly úı sharýashylyqtarynyń kiristerin arttyrý baǵdarlamasyn júzege asyrýǵa 3,5 trln teńge qarastyrylǵan. Onyń 2,5 trıllıony 1,5 mıllıonnan astam bıýdjet qyzmetkerleriniń jalaqysyn kóterýge jumsalmaq.
Balabaqsha tárbıeshileriniń jalaqysyn 30 paıyzǵa kóterý úshin bıýdjette 96 mlrd teńge qarastyrylǵan.
242 mlrd teńge ǵylymdy qarjylandyrýǵa baǵyttalmaq. Bul 616 jetekshi otandyq ǵalymdardyń jalaqysyn arttyrady.
Memlekettik tabıǵı jáne orman qorǵaý qyzmetkerlerine qosymsha aqy tóleýge 15 mlrd teńge qarastyrylǵan. Sondaı-aq olar azamattyq qorǵaý organdary qyzmetkerleriniń, áskerı qyzmetshilerdiń jekelegen sanattary men joǵary áskerı oqý oryndary oqytýshylarynyń jalaqysyn kóterýdi josparlap otyr.
Jalpy, energoblokqa 2,6 trıllıon teńge kólemindegi shyǵyndar engizilgen.
Eske salaıyq, Memleket basshysy 2024 jyldyń 1 qańtarynan bastap eń tómengi jalaqyny 85 myń teńgege deıin kóterýdi tapsyrǵan edi.
