Toptyq týrnırde jerlesterimiz Mysyr, Úndistan, Fransııa jáne Ýkraınany utyp, Grýzııamen teń tústi. Shırek fınalda Germanııadan mereıimiz ústem boldy. Jartylaı fınalda jolymyz Fransııamen qaıta qıysty. Bul joly biz olardy taı-breıkte 4:0 esebimen tas-talqan ettik. Atalǵan kezdesýde Bıbisara Asaýbaeva, Merýert Kamalıdenova, Alýa Nurmanova jáne Ámına Qaıyrbekova qarsylastarynan basym tústi. Endi fınaldyq saıysta qazaq qyzdary Grýzııamen oınady. Qap taýynan kelgen shahmatshylar osynyń aldynda ǵana AQSh-tyń ókilderinen basym túsken edi.
Jalpykomandalyq álem chempıonaty 2007 jyldan beri uıymdastyrylyp keledi. Qazaqstan quramasy buǵan deıin birde-bir ret shırek fınaldyq mejeden asa almaǵan-tyn.
