Kollajdy jasaǵan – Záýresh SMAǴUL, «EQ»
Joldaýdan memleketimizdiń keıbir osal tustaryn qalaı bekitemiz, halyqtyń kókeıindegi túıtkilderdi qaıtsek tarqatamyz degen saýaldarǵa jaýap alǵandaı boldyq. Bastysy bul belgisiz merzimge jasalǵan jospar ǵana emes, deni aldaǵy úsh jylda júzege asýy tıis naqty mindetter.
Prezıdent talaı jyl tamyr jaıyp, ár salada bir-bir qojaıynǵa aınalǵan monopolısterdiń jaýapkershiligin arttyrýdy tapsyrdy. Ásirese, óńirlerdegi monopolıst kompanııalardyń áreketine baqylaý jasar ýaqyt jetti. Sodan soń shetelderge, kórshi memleketterge energetıkalyq táýelsizdikke umtylýdyń ózektiligin basa aıtty. Bul rette, jalpyhalyqtyq referendýmmen sheshim qabyldanar Atom elektr stansasyn salý máselesiniń orny mańyzdy.
Elimiz negizinen transshekaralyq ózenderdiń sýyna táýeldi. Bıylǵydaı qýańshylyq pen sý tapshylyǵyn aldyn alý ulttyń qaýipsizdigimen para-par ótkir másele. Osy oraıda 20 sý qoımasyn salyp, 15 bógendi rekonstrýksııadan ótkizýdi tapsyrýy strategııalyq turǵydan tarıhı sheshim. О́ıtkeni aýyz sý ýaqyt ótken saıyn dúnıe júzinde eń ózekti problemaǵa aınaldy. Ári osy jumystardy júzege asyrý maqsatynda Sý resýrstary jónindegi mınıstrliktiń qurylǵany kóziqaraqty jurttyń kókeıinde júrgen jaı edi.
Joldaýda ınfraqurylymdy jetildirý, aýyl sharýashylyǵyn qoldaý, sıfrlandyrýdy damytý, kásipkerlikti qýdalaýdy doǵarý syndy asa ózekti máseleler keńinen qamtyldy.
Endigi mindet Joldaýdy kezeń-kezeńimen júzege asyrý. Biz óz kezegimizde Májilis depýtattary retinde osy sessııada mindetterdi iske asyrýdy zańnamalyq turǵydan qamtamasyz etemiz.
Jarqynbek AMANTAIULY,
Májilis depýtaty
