Foto: ashyq derekkóz
Mamandardyń málimetinshe, Qazaqstannyń basym bóliginde jańbyr jaýyp, naızaǵaı soǵady.
«Eldiń ortalyǵynda, soltústiginde, soltústik-batysynda, shyǵysynda, ońtústik-shyǵysynda qatty jańbyr men burshaq kútiledi. Qazaqstannyń ońtústik-shyǵysyndaǵy taýly aýdandarda qar aralas jańbyr jaýady. Respýblıka boıynsha ekpindi jel, soltústikte, soltústik-batysta tuman, respýblıkanyń ońtústiginde shańdy daýyl kútiledi», dep jazylǵan «Qazgıdromet» RMK habarlamasynda.
Sınoptıkterdiń aıtýynsha, elordada 12 qyrkúıekte kóshpeli bult, keıde jańbyr, naızaǵaı kútiledi. Jel ońtústik-batystan 9-14, keıde ekpini sekýndyna 15-20 metr bolady. Kúndiz aýa temperatýrasy +13 + 15 gradýs jyly.
Almatyda bultty aýa raıy, jańbyr kútiledi. Jel batystan, soltústik-batys, 3-8, keıde ekpini sekýndyna 15-20 metrdeı bolady. Kúndiz aýa temperatýrasy +19 + 21 gradýs jyly.
12 qyrkúıekte Shymkent qalasynda jel batystan soǵady. Kúndiz ekpini sekýndyna 8-13, túnde 15-20 metr bolady. Kúndiz aýa temperatýrasy +23 + 25 gradýs jyly.
