«Dostar! Maǵan jol-kólik jelisin damytý boıynsha suraqtar túsip jatyr. Osyǵan baılanysty atqaryp jatqan jumysymyzǵa qysqasha toqtalyp óteıin. Qalada 430 myńǵa jýyq avtomobıl bar. Kún saıyn oblystan qalaǵa qosymsha 90 myńǵa jýyq kólik kirip-shyǵady. Jol-kólik jelisin júıeli damytý úshin kópirler, kólik qıylystary, jańa kósheler salý, jol jóndeý jumysy qarqyndy túrde júrgizilip jatyr.
Qarbalas ýaqytta kólik kóp júretin ýchaskelerdiń biri – Máńgilik el, Qabanbaı batyr, Turan dańǵyldary, Saraıshyq, Qonaev kósheleri jáne t.b.
Osy jyldyń sońyna deıin Táýelsizdik dańǵylynyń boıyndaǵy jańa kópirde kólik qozǵalysyn ashý bul máseleniń ishinara sheshimi bolmaq. Bul kópir joldardaǵy keptelisti edáýir jeńildetýge múmkindik beredi: sol jaǵalaýdy Táýelsizdik dańǵylymen, jańa temirjol vokzalymen, Qoshqarbaev dańǵylymen, Nájimedenov kóshesimen, Áziret Sultan meshitimen, Baıtursynov, Qordaı, Aınakól kóshelerimen, Momyshuly dańǵylymen jáne t.b. qosymsha baılanysty qamtamasyz etedi», dep jazdy elorda ákimi.
Sondaı-aq kelesi jyly Táýelsizdik dańǵylynyń Qabanbaı batyr dańǵylyna deıingi jalǵasyn salýdy bastaý josparlanyp otyrǵanyn aıtty.
«Bul qalanyń jańa bóligindegi Máńgilik el, Qabanbaı batyr dańǵyldarynda, Túrkistan, Kereı¬-Jánibek handar jáne Aıtmatov kóshelerinde kólik aǵynyn seıiltedi. Sol sııaqty keler jyly Kenesary kóshesiniń boıynda (QazGIýÝ ýnıversıteti aýdanynda) Esil ózeni arqyly ótetin taǵy bir kópirdiń qurylysyn bastaý josparda bar. О́tken jyly Uly Dala dańǵylynyń boıyndaǵy jańa kópir men A62 kóshesiniń boıynda (A91 kóshesinen Astana-Qaraǵandy tas jolyna deıingi ýchaskede) kólik qozǵalysy ashylǵan bolatyn. Bul da birneshe kóshedegi kólik qozǵalysyn jeńildetti.
Sonymen qatar bıyl qalaǵa 400-ge jýyq avtobýs engizemiz. Olardyń bir bóligi qazirdiń ózinde jelige shyǵaryldy. Joǵaryda aıtylǵan sharalar, onyń ishinde kósheler salý jáne jóndeý, aqyldy baǵdarshamdar ornatý jáne avtobýs jelilerin engizý qalanyń kólik jelisin aıtarlyqtaı jaqsartady», dep jazdy Jeńis Qasymbek.
