Qyrkúıek aıynda Qazaqstannyń ulttyq quramasy eki kezdesý ótkizgeni belgili. Alǵashynda Fınlıandııadan utylsaq, ile-shala Soltústik Irlandııany san soqtyrdyq. Bul matchtardyń ekeýinde de 1:0 esebi tirkeldi. Sońǵy oıyndaǵy jeńistiń arqasynda jerlesterimiz reıtıngte úsh satyǵa joǵarylap, qazirgi kezde 101-oryndy ıelenip otyr. Al úzdikter kóshin byltyr álem chempıony atanǵan Argentına quramasy bastap tur. Ekinshi orynda – Fransııa fýtbolshylary. Úzdik úshtikti Brazılııa túıindedi. Sondaı-aq TOP-10 komandanyń qataryna Anglııa, Belgııa, Horvatııa, Nıderland, Portýgalııa, Italııa jáne Ispanııanyń aıaqdop sheberleri engen.
Árıne, Qazaqstannyń FIFA reıtıngindegi qazirgi orny jankúıerlerdi qanaǵattandyrmaıtyny anyq. Osy oraıda eń jaqsy nátıjege Qazaqstan quramasy 2016 jyly qol jetkizgenin aıta ketken abzal. Ol kezde jerlesterimiz 86-oryndy ıelengen edi.
