Nurlan Ábdirov ótken jylǵy 20 qarashadaǵy Qazaqstan Respýblıkasy Prezıdentiniń jáne 2023 jylǵy 19 naýryzdaǵy Parlament Májilisi depýtattarynyń kezekten tys saılaýlaryn baıqaý jónindegi EQYU/DIAQB mıssııasynyń jaqynda jarııalanǵan qorytyndy esepterine kóńil bólip, sondaı-aq osy esepterdegi usynymdar bıyl 28 qyrkúıektegi Ortalyq saılaý komıssııasyjanyndaǵy Saraptamalyq keńestiń jaqyn arada ótetin otyrysynda talqylaný josparlanǵanyn habarlady.
EQYU-nyń Astanadaǵy Baǵdarlamalar keńsesiniń basshysy qanatqaqty rejimde ótetin aýdandar men oblystyq mańyzy bar qalalar ákimderiniń aldaǵy tikeleı saılaýy, shyǵyp qalǵan máslıhattar depýtattarynyń ornyna saılaý, sondaı-aq 2021 jylǵy 25 shildeden beri jalǵasyp keletin respýblıkadaǵy aýyl ákimderin saılaý týraly habardar etildi.
Sonymen qatar, taraptar Ortalyq saılaý komıssııasynyń 30 jyldyǵyna arnalǵan «Konstıtýsııalyq reforma jáne saılaý júıesi» taqyrybyndaǵy halyqaralyq ǵylymı-tájirıbelik konferensııaǵa daıyndyq aıasynda birqatar máseleni talqylady.
Kezdesý aıasynda F.Frobart elimizdiń Ortalyq saılaý komıssııasymen yntymaqtastyqqa EQYU tarapynan berilgen joǵary baǵany atap, ózara is-qımyldy jalǵastyryp, saılaý salasynda tájirıbe almasýǵa daıyn ekenin rastady.
Kezdesý qorytyndysy boıynsha saılaý salasyndaǵy ozyq halyqaralyq tájirıbeni zerdeleýde ózara is-qımyldy odan ári damytý, onyń ishinde saılaý kampanııalary arasyndaǵy kezeńde dıalogty keńeıtý týraly ýaǵdalastyqqa qol jetkizildi.
