Osy oqıǵaǵa oraı jýyrda ótken saltanatty rásimge «QazaqGaz» UK» AQ basqarma tóraǵasy Sanjar Járkeshov pen Batys Qazaqstan oblysy ákimdigi ókilderi, «Intergaz Ortalyq Azııa» AQ Oral Jelilik óndiristik basqarmasy ujymy qatysty. Qonaqtar memorıaldyq tastyń ashylýyna qatysyp, Eset Raýatulyn eske aldy.
Eset Raýatuly – keńestik repressııa jyldary qýǵyndalyp, bashqurt jerin panalap aman qalǵan din qaıratkeriniń urpaǵy bolatyn. Tektilik teginen daryǵan azamat óz ultynyń tarıhyn tereń biletin. KSRO kezinde munaı-gaz salasynyń bilikti mamany atanǵan ol táýelsizdik tusynda jas Qazaqstannyń biryńǵaı gaz qubyrlary júıesin qurýǵa jáne jańa aýmaqtardy gazdandyrýǵa kóp qyzmet etti. Sol kezdegi qıyndyqtarǵa qaramastan Eset Raýatuly ulttyq kompanııany basqaryp, jańa magıstraldar salyp, sol arqyly tabıǵı gazdyń eldiń barlyq óńirine jáne eksportqa taraýyna jol ashty.
– «Qazaqgaz» ulttyq gaz kompanııasynyń tuńǵysh prezıdenti Eset Raýatulyn eske alý – bizdiń boryshymyz. О́z eliniń bolashaǵyna beıjaı qaramaǵan mundaı tulǵa gaz salasy qyzmetkerleriniń jas býyny úshin árdaıym úlgi bolýy kerek. Halqymyz osy kúnge deıin Eset Raýatulyn jyly eske alady, al onyń esimi elimizdiń munaı-gaz ındýstrııasynyń tarıhyna altyn árippen máńgilikke jazylǵan, – dedi Sanjar Járkeshov.
Stansanyń ataýyn ózgertý jáne memorıaldyq tasty ashý ıdeıasyn munaı-gaz salasynyń ardagerleri kótergen eken. Gaz salasynyń qurmetti ardageri, Eset Raýatulynyń bir kezdegi áriptesi Anatoly Tegisbaev el úshin eńbek etken E.Ázerbaevtyń alty jyl buryn ómirden ótse de, esimi umytylmaı, elenip jatqany úshin kompanııa basshylyǵyna alǵys aıtty. «О́z eliniń naǵyz patrıoty mundaı qurmetke laıyq!» dedi aqsaqal.
«QazaqGaz» UK basshysy Batys Qazaqstan oblysy gaz sharýashylyqtarynyń aldaǵy kúzgi-qysqy kezeńge daıyndyǵy tekserilgenin, mamandardyń aıtýynsha, óńir jylytý maýsymyna 100% daıyn ekenin habarlady.
Batys Qazaqstan oblysy
