Bank • 14 Qyrkúıek, 2023

Senim údesinen shyqqan bankter

192 ret

kórsetildi

3 mın

oqý úshin

Elimizdegi bank sektory keıingi jyldary aıtarlyqtaı damyp, ósim jaǵynan da artyp keledi. Álemde oryn alǵan daǵdarys bul salaǵa eleýli keri áserin tıgizbegenge uqsaıdy. Bul EDB reformalary men birlese shoǵyrlanýy syn-qaterlerge der kezinde toıtarys bere alǵanynan kórinedi.

Gúlmıra BAǴYTQYZY

Tipti, bizdegi bankterdiń básekege qabilettiligin sheteldik mamandar da rastap otyr. Reseılik Forbes.ru basylymynyń «Kórshi elderdiń 50 senimdi banki – 2023» reıtıngi boıynsha alǵashqy tórttikti de bizdiń eldiń bankteri ıelengen.

Sonymen, birinshi orynda munaı-gaz sektoryna qatysty korporatıvtik bızneske baǵyttalǵan «Sıtıbank Qazaqstan» bolsa, odan keıingi kóshbasshylar qatarynda Qazaqstandaǵy turǵyn úı-qurylys jınaqtary júıesin júzege asyratyn «Otbasy banki» ornalasqan. Aıtqandaı, bul bank EDB-degi jeke tulǵalardyń depozıttik bazasynyń 12,7%-yn, sondaı-aq ıpotekalyq nesıe naryǵyndaǵy aıryqsha úleske ıe bolyp otyrǵany bar. Qarjy ınstıtýty eń senimdi jáne turaqty uıymdardyń biri retinde elde ǵana emes, halyqaralyq reıtıngtik agenttikterinde joǵary deńgeıde ekeni kórsetilgen.

Naqtyraq aıtqanda, Moody's agenttigi «Otbasy bankiniń» reıtıngin Baa2 jáne Fitch Ratings reıtıngi BBB boıynsha boljamy «turaqty» dep baǵalanǵan. Forbes.ru reıtıngindegi 3 senimdi bankti bizdegi eń iri kommersııalyq bank «Halyk Bank» aıaqtaǵan. Bul rette Qarjy ınstıtýty elimizdiń bank sektoryndaǵy aktıvteriniń 28,9%-yna ıe ekenin atap ótken jón.

Úzdik bestikke «Kaspi Bank» pen Grýzııanyń «ProCredit banki» engen. Onyń ústine alǵashqy ondyqqa Qazaqstannyń 5 banki kirse, 7-orynda «ForteBank» jaıǵasqan.

Málimetterge súıensek, eldegi EDB aktıvteri 46,6 trln teńgege jetip, IJО́-niń 42,1%-yn quraǵan. О́z kezeginde ótimdiligi joǵary aktıvter 14 trln teńgeni nemese aktıvterdiń 30%-yn quraýy bul bankterge klıentter úshin aldyndaǵy óz mindettemelerine tolyq kólemde qyzmet kórsetýge múmkindigi bar degen sóz.

Bıyl shilde aıynda bankterdiń menshikti kapıtaly bir aıda 3,7% ósip, 5,9 trln teńge (jyl basynan beri 13,6% ósti) boldy. Negizgi kapıtaldyń jetkilikti koeffısıenti (k1) – 18,8%, menshikti kapıtal (k2) 21,5%-dy qurap, bul zańnamada belgilengen normatıvterden aıtarlyqtaı asyp túsken. Bul bank sektoryndaǵy yqtımal táýekelderdi jabýǵa múmkindik berip otyr. Osy kórsetkishter eldiń bank sektorynyń senimdiligi men turaqtylyǵynyń joǵary deńgeıin kórsetedi.

Elimizdiń EDB jıyntyq aktıvterindegi 5 iri banktiń úlesi 66%, jalpy nesıe portfelindegi úlesi 73,8% jáne klıentterdiń jalpy depozıtterindegi úlesi 70,2%-dy quraǵan.