Foto: Aqordanyń baspasóz qyzmeti
«Búgingi sammıt tyǵyz yntymaqtastyq, ózara tıimdi seriktestik jasaý jáne bir-birimizdiń múddelerimizdi qurmetteý arqyly ǵana aımaǵymyzdyń turaqty damýyn, qaýipsizdigi men ekonomıkalyq ál-aýqatyn qamtamasyz ete alatynyn anyq kórsetip otyr. Bizdiń kezdesýimiz sý salasyndaǵy óńirlik yntymaqtastyqty odan ári nyǵaıtýǵa yqpal etetin sheshimderdi ýaqtyly jáne birlese qabyldaýǵa múmkindik beredi dep senemin», dedi Memleket basshysy.
Qasym-Jomart Toqaev joǵary deńgeıdegi kelesi kezdesýdi ózi bastamashy bolǵan BUU aıasyndaǵy Aımaqtyq klımattyq sammıtpen biriktire otyryp, 2026 jyly Qazaqstanda ótkizýdi usyndy.
«Sózimdi qorytyndylaı kele, Qor qyzmetin múlde jańa deńgeıge kóterý úshin Qazaqstan bar kúsh-jigerin jumsaýǵa daıyn ekenin taǵy da rastaǵym keledi. Qor jumysyna barlyq quryltaıshy memlekettiń belsendi aralasýy sý máselesin tıimdi sheshýge jáne aımaqtyq ıntegrasııanyń odan ári nyǵaıýyna yqpal eterine senimdimin», dedi ol.
Jıynda sondaı-aq Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, О́zbekstan Prezıdenti Shavkat Mırzııoev, Qyrǵyzstan Mınıstrler kabıneti tóraǵasynyń birinshi orynbasary Adylbek Qasymalıev sóz sóıledi.
