https://egemen.kz/
Almaty oblysy boıynsha osy jyldyń basynan ÁDQ 9129 salyq tóleýshi (bıýdjettik jáne kvazımemlekettik sektor qyzmetkerleri) 2023 jyldy emes, 2022 jyldy kórsetip, ıaǵnı salyq kezeńin qate kórsete otyryp, Deklarasııany (250.00 nysan boıynsha) durys emes tapsyrǵany anyqtalǵanyn habarlaıdy.
2023 jyldyń 14 qyrkúıegindegi jaǵdaı boıynsha 6 203 jeke tulǵanyń deklarasııasy túzetildi, alaıda mamyrdan bastap qyrkúıekke deıin deklarasııasyn qate tapsyrǵan jeke tulǵalardyń sany 2 737 adamǵa ósti.
Nátıjeli túrde júrgizilgen jumystardyń nátıjesinde búgingi kúnge deklarasııasyn qate tapsyrǵan 3 053 jeke tulǵa qaldy.
Deklarasııasyn eń kóp qate tapsyrǵan adamdar sany:
- Ile aýdany boıynsha MKB - 983 jeke tulǵa.
- Talǵar aýdany boıynsha MKB - 899 jeke tulǵa.
- Eńbekshiqazaq aýdany boıynsha MKB - 653 jeke tulǵa.
Salyq kezeńine - 2022 jyldy kórsete otyryp, qate tapsyrǵan deklarasııany (250.00 nysan),
- «Salyq tóleýshi kabıneti» veb-portaly (cabinet.salyk.kz),
- «Elektrondyq úkimet» portaly (egov.kz)
- eSalyk azamat mobıldi qosymshasy arqyly keri qaıtaryp alyp, 2023 jylǵy 15 qyrkúıekten keshiktirmeı durys kezeńdi 2023 jyldy kórsete otyryp, deklarasııany qaıtadan tapsyrý kerek.
2023 jyldyń 15 qyrkúıeginen keıin (250.00 jáne 270.00 nysandar) deklarasııany tapsyrmaǵan salyq tóleýshilerge, Memlekettik kirister organdarynyń qyzmetkerleri ákimshilik hattama toltyrady (ÁQBtK-niń 727-baby boıynsha)
Birinshi joly – eskertý, ekinshi ret deklarasııany tapsyrmaǵany úshin 15 AEK, tolyq emes aqparatty kórsetkeni úshin – 3 AEK kóleminde aıyppul salynady.
2023 jyldyń 1 qantarynan bastap jalpyǵa birdeı deklarasııany tapsyrýdyń ekinshi kezeńi bastaldy.
Ekinshi kezeńde (2023 jyl 1 qańtardan bastap) deklarasııany:
- memlekettik organdardyń qyzmetshileri jáne olardyń jabaılary
- kvazı-memlekettik sektor sýbektileriniń qyzmet kórsetýleri jáne olardyń jubaılary tapsyrady.
Jalpyǵa birdeı deklarasııalaý júıesine kirýdiń birinshi jylynda jeke tulǵalar Aktıvter men mindettemeler týraly Deklarasııany (250.00 nysany) usynýǵa mindetti. Kelesi jyldary kirister men aktıvter týraly deklarasııa tapsyrylady (270.00 nysan)
Aktıvter men mindettemeler týraly deklarasııa (250.00-nysan) deklarasııalaý júıesine engizilgen kúngi jaǵdaı boıynsha jınaqtalǵan aktıvter men mindettemelerdi esepke alý úshin usynylady. Bul rette, Qazaqstan Respýblıkasynyń ýákiletti organdarynda tirkelgen jyljymaıtyn múlik jáne kólik quraldary týraly málimetterdi deklarasııada kórsetý qajet emes, óıtkeni bul aqparat memlekettik kirister organdarynda bar.
Shet memlekettiń zańnamasyna sáıkes quqyqtary jáne (nemese) mámileleri shet memlekettiń quzyretti organynda memlekettik nemese ózge de tirkelýge jatatyn múlik shaǵylysýǵa jatady.
Bul rette Qazaqstan Respýblıkasyndaǵy jáne (nemese) onyń sheginen tys jerlerdegi múlik týraly málimetterdi kórsetý qajet, mysaly:
- turǵyn úı qurylysyna úlestik qatysý týraly shart boıynsha turǵyn úıdegi úles
- Qazaqstan Respýblıkasynan tys jerde qurylǵan zańdy tulǵanyń jarǵylyq kapıtalyna qatysý úlesi
- baǵaly qaǵazdar, týyndy qarjy quraldary (oryndaýy bazalyq aktıvti satyp alý nemese satý arqyly júzege asyrylatyn týyndy qarjy quraldaryn qospaǵanda)
- ınvestısııalyq altyn
- zııatkerlik menshik obektileri, avtorlyq quqyqtar.
Sondaı-aq qolma-qol aqsha eń tómengi eseptik kórsetkishtiń 10 000 eselengen sheginen aspaıtyn mólsherde kórsetiledi,
Deklarasııany jeke tulǵa turǵylyqty (bolatyn) jeri boıynsha beredi.
Aktıvteri men mindettemeleri týraly deklarasııany (250.00-nysan) usynǵan jalpy deklarasııanyń birinshi kezeńindegi deklaranttar úshin kirister men múlik týraly deklarasııany usynýdyń sońǵy merzimi:
- qaǵaz túrinde - 2023 jyldyń 15 shildesinen keshiktirmeı (15.07.2023 senbi kúni bolǵandyqtan, deklarasııa tapsyrýdyń sońǵy kúni 17.07.2023 – dúısenbige aýystyryldy).
- elektrondy túrde – 15 qyrkúıekten keshiktirmeı tapsyrý kerek.
Almaty oblysynda jyl basynan beri jalpyǵa birdeı deklarasııalaýdyń ekinshi kezeńindegi 114 489 salyq tóleýshi 270.00 nysany boıynsha aǵymdaǵy memlekettik qyzmetshilerge barlyǵy 38 470 deklarasııa jáne 250.00 nysany boıynsha deklarasııa tapsyrǵan.
Aktıvter men mindettemeler týraly deklarasııany tapsyrý ádisteri
Elektrondy túrinde – Memlekettik kirister komıtetiniń «Salyq tóleýshiler kabıneti» veb-portaly (cabinet.salyk.kz), eSalyk azamat mobıldi qosymshasy men «Elektrondyq úkimet» portaly (egov.kz) arqyly.
Qaǵaz túrinde – MKK aýmaqtyq basqarmasyna qolma-qol tapsyrady.
Aktıvter men mindettemeler týraly deklarasııany 2023 jyly tapsyrǵannan keıin, 2024 jyldan bastap jyl saıynǵy kirister men aktıvter týraly deklarasııany (270.00 nysany) usyný mindeti týyndaıdy.
