Qalalyq prokýratýranyń málimetinshe, ustalǵan er adamnyń telefonyn tekserý barysynda esirtki salǵan eki oryn anyqtaldy, ol aradan esirtkige uqsas zattary bar eki paket alyndy.
«Sonymen qatar tintý barysynda ustalǵan adamnyń úıinen esirtki salynǵan oraýysh materıal jáne «mefedron» zaty salynǵan paket tárkilendi, bul saraptamamen rastaldy», delingen habarlamada.
Bul fakti SDTBT-da QR QK 297-baby 3-bóligi 1,5-tarmaqtary (adamdar tobynyń aldyn ala sóz baılasý, aqparattyq resýrstardy paıdalaný arqyly jasaǵan psıhotroptyq zattardyń analogtaryn ótkizý maqsatynda zańsyz satyp alý, saqtaý, tasymaldaý) boıynsha tirkelgen. Tergeý sotynyń sanksııasymen túrik azamaty 2 aıǵa qamaýǵa alyndy.
Sondaı-aq qazirgi ýaqytta bul is boıynsha kúdiktiniń sybaılasy - 1982 jyly týǵan RF azamaty ustaldy, oǵan qatysty sot qamaýda ustaý túrindegi bultartpaý sharasyna sanksııa berildi.
