QALAMGERLER KÚREŃBELDE BAS QOSTY

Kıeli Jetisý óńiri – qaı kezde de án men jyrdyń altyn besigi bolyp sanalady. Sondyqtan da mun­daǵy aqyndyq dástúr, án mektebi túr­ki eliniń ortaq rýhanı álemine qo­sylǵan ólsheýsiz úles deýge bolady. Eldiń rýhyn kótergen óner adam­da­ryna kórsetilgen qamqorlyq munda jyl ótken saıyn jarasym tabýda. Qalamgerlermen dástúrli kezdesý kıeli Kúreńbelde jalǵasty. Qazaqtyń kógindegi jaryq jul­dyz­daı jarqyrap ótken Shoqannyń izi qalǵan aımaq azamattary qalam­gerlerdi qushaq jaıa qarsy aldy. Dıdarlasýda oblys ákimi Serik Úmbetov Elbasynyń bastamasymen qolǵa alynǵan “Mádenı mura” baǵdarlamasy boıynsha óńirde atqarylǵan jumystarǵa toqtaldy. Budan soń jazýshy Álı Ysqa­baı, aqyndar Nadejda Lýshnıkova, Aıtaqyn Ábdiqal, taǵy basqalar sóılep, jalpy búgingi kúni she­shi­min tabatyn máseleler jaıly oı qoz­ǵady. Olar qalam kúshin el ıgi­li­gi men halyq birligine jumsaı­tyn­dyqtaryn da ortaǵa saldy. Kúreńbelge kelgen qalamgerler qazaqtyń bulbul ánshisi Kúlásh Baıseıitovanyń Jetisý óńirine kelin bolyp túskendegi jerine qoıylǵan tasqa táý etip, tarıhı oryndarmen tanysty. Kúmisjan BAIJAN, Almaty oblysy.