Din isteri komıtetiniń qoldaýymen osy jyldyń 4-5 qyrkúıeginde Aqtóbe oblysynda din máseleleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵy» KMM, «Aqnıet» QQ mamandary, psıhologtary men teologtary, jergilikti ATT músheleri qatysty. Jıynda din máseleleri boıynsha túsindirý tobynyń músheleri – pedagogıka jáne psıhologııa mamany Toıǵanov Myrzabek Sardarbekuly, psıhologııa mamany Shakımova Lola Sergeevna, dintanýshy Myrzaev Balǵabek Ábdiqaıymuly jáne neırolıngvıstıkalyq baǵdarlamalaý mamany, psıholog Seıtqalı Mırzada Shahmanuly semınar ótkizdi.
Toıǵanov Myrzabek Sardarbekuly «Metodologıcheskıe osnovy raboty s detmı prıverjensamı destrýktıvnyh relıgıoznyh organızasıı ı ıh rodıtelıamı» taqyryby aıasynda qatysýshylarǵa destrýktıvti dinı aǵym jeteginde ketken otbasylarmen áńgime júrgizý, baılanys ornatý jáne ózin-ózi ustaý joldaryn túsindirdi. Onyń ústine, «Ideınoe protıvodeıstvıe ekstremızmý v kontekste resosıalızasıı osýjdennyh za ekstremıstkıe ı terrorıstıcheskıe prestýplenııa» taqyrybymen jazasyn óteýshilerdiń arasynda tárbıe jáne áleýmettik jumys júrgizý, psıhologııalyq beınesin anyqtaý jáne jaǵdaıdyń kúrdelenýine jol bermeý tásilderi týraly sóz qozǵady.
Shakımova Lola Sergeevna «Prımenenıe osnov profaılınga dlıa vyıavlenııa grýppy rıska v molodejnoı srede» taqyrybymen qatysýshylarǵa jastar arasyndaǵy táýekel toptaryn anyqtaý úshin profaılıng tehnıkasyn, ıaǵnı, qylmys jasaýǵa daıyn turǵan tulǵanyń syrtqy kelbetine, mımıkasyna, júris-turysyna qarap qalaı anyqtaýǵa bolatynyn túsindirdi. Sondaı-aq «Metody ızýchenııa lıchnostı, prımenıaemye v psıhokorreksıonnoı rabote s adeptamı DRT» taqyrybynda qatysýshylarǵa psıhokorreksııalyq jumysta qoldanylatyn tulǵany zertteý ádisterin úıretti.
Myrzaev Balǵabek Ábdiqaıymuly «Qazaqstan Respýblıkasyndaǵy radıkaldyq jáne ekstremıstik baǵyttaǵy dinı aǵymdar jáne olardyń belsendiligi týraly» taqyryby aıasynda tyńdaýshylarǵa destrýktıvti dinı aǵymdardyń qoǵamǵa qaýpi, neke jáne otbasy ınstıtýtyna, adam densaýlyǵyna qateri týraly aıtyp ótti. Sondaı-aq «Zaıyrlylyq jáne onyń dinı birlestiktermen qarym-qatynasynyń negizgi prınsıpteri» taqyrybynda zaıyrlylyq, zaıyrly memleket: uǵymy, máni, sıpaty, zaıyrly ádep negizderi týraly sóz qozǵady.
Seıtqalı Mırzada Shahmanuly «Boleznı EGO ı pýtı ıh ızlechenııa» taqyrybynda kezdesip, mamandardardy psıhologııalyq densaýlyqty ustap, psıhıkalyq etıkalyq prınsıpterge súıene otyryp jumys jasaý ádisterin túsindirdi. Kelesi kezekte, «Vlııanıe detskıh travm na jıznedeıatelnost lıchnostı» taqyrybynda semınar oqyp, terrorızm men ekstremızmdi týǵyzatyn psıhologııalyq aspekter, oǵan ilinetin adamdardyń sıpattamasy, jáne psıhologııalyq túp-tamyryn anyqtaý ádisterin atap ótti. Dárisker qatysýshylarǵa adamdarmen jumys jasaý kezinde stress mólsherin jeńildetýge baǵyttalǵyn trenıng ótkizdi.
Sonymen qatar, semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.
