Alaıda áli 56 myń gektar jer boıynsha sot prosesi júrip jatyr. Ile aýdanyndaǵy kásipkerlik nysandaryna ınfraqurylym tartý boıynsha da jerler zańsyz berilgen.
«Almaty oblysynyń mamandandyrylǵan aýdanaralyq sotynyń sheshimderimen Ile aýdanynda 11 020,808 gektar jer telimi jáne jalpy kólemi 4920 gektar 14 aýyl sharýashylyǵy jeri memleket menshigine qaıtaryldy. Mysaly, kólemi 2 myń ga bolatyn jer bir ǵana adamǵa tıesili bolǵan, ol jer keri qaıtaryldy», dep habarlady Almaty oblysynyń Sybaılas jemqorlyqqa qarsy qyzmeti.
Agenttik myńdaǵan gektar jerdi alyp alsa da, birde bir maly joq «qojalyqtardy» da anyqtaǵan. Júrgizilgen jumystardyń nátıjesinde Balqash aýdanynyń ózinde 1 700 ga aýyl sharýashylyǵy maqsatyndaǵy jer anyqtalyp, memleket menshigine ótti. Jer ıelenýshi 23 adamnyń jaıylymdyq jerlerinde mal basy joq bolyp shyqqan. Qazirgi sátte Almaty oblysy boıynsha sybaılas jemqorlyqqa qarsy departamenttiń bastamasy arqyly Jambyl aýdany jerdiń ıelerimen sottasyp jatyr.
Departament baspasóz qyzmetiniń habarlaýynsha, Eńbekshiqazaq aýdanynda jalpy kólemi 327 ga bolatyn 5 aýyl sharýashylyǵy jer telimi, Qarasaı aýdanynda jalpy kólemi 360,0 ga 2 aýyl sharýashylyǵy maqsatyndaǵy jer, Kegen aýdanynda jalpy kólemi 269,0 gektar 2 aýyl sharýashylyǵy maqsatyndaǵy jer. Qonaev qalasynda Almaty oblysynyń mamandandyrylǵan aýdanaralyq sotynyń qaýlylarymen jalpy kólemi 183,6 gektardy quraıtyn 3 aýyl sharýashylyǵy maqsatyndaǵy jer telimi memleket menshigine qaıtaryldy. Sybaılas jemqorlyq táýekelderin syrttaı taldaý nátıjesinde Almaty oblysynyń Jambyl aýdanynda 55 644 gektar paıdalanylmaıtyn aýyl sharýashylyǵy jaıylymdary anyqtaldy.
