Júlde qory 259 303 AQSh dollaryn quraıtyn jarystyń tusaýkeser kezdesýinde elimizdiń ekinshi raketkasy álemdik reıtıngte 213 orynda turǵan jergilikti oıynshy Iý Sıaodıdi oısyrata utty. 1 saǵat 47 mınýtqa sozylǵan saıys 6:4, 6:0 esebimen aıaqtaldy. Kelesi kezeńde Iýlııa kezinde jastar arasynda álemdik reıtıngte kósh bastap, bul kúnderi úzdikter tiziminde 76 oryndy ıelenip otyrǵan danııalyq Klara Taýsonmen sheberlik baıqasady. Ol alǵashqy aınalymda chehııalyq Lında Frýhvırtovadan aılasyn asyrdy. Esep – 6:2, 7:6.
Iýlııa Pýtınsevadan bólek, bul týrnırge polshalyq Magda Lınett, germanııalyq Tatıana Marııa, ıtalııalyq Lıýchııa Bronsettı, belgııalyq Greta Mınnen jáne reseılik Anna Kalınskaıa qatysyp jatyr.
