Esil ózenin balyqtandyrýǵa baǵyttalǵan is-sharaǵa Ekologııa jáne tabıǵı resýrstar mınıstrliginiń, Astana qalasy ákimdiginiń, qoǵamdyq birlestikterdiń, ǵylymı uıym men buqaralyq aqparat quraldarynyń ókilderi, elorda turǵyndary qatysty.
Jyl saıynǵy balyqtandyrý tabıǵı sý aıdyndarynyń balyq resýrstaryn saqtaý jáne turaqty paıdalaný, sondaı-aq astanalyqtardyń demalysy úshin rekreasııalyq jaǵdaılar jasaý maqsatynda ótkiziledi. Osylaısha barlyǵy óz qarmaǵymen qala jaǵalaýyna shyǵyp, bos ýaqytynda balyq aýlap demala alady.
Osy oraıda balyq ósiretin kásiporyndar osy jyldyń basynan bastap Qazaqstannyń sý qoımalaryna memlekettik tapsyrys aıasynda baǵaly balyq túrleriniń 80 mln shabaǵyn jibergenin atap ótken jón. Sonymen qatar qazan aıynyń sońyna deıin Aral-Syrdarııa, Balqash-Alakól, Zaısan-Ertis jáne Esil basseınderiniń sý aıdyndaryna taǵy 20 mln dana shabaq jiberý josparlanyp otyr.
