Sahna sańlaǵyna qurmet

– О́zderińiz biletindeı, bıyl ańyz aktrısa, Qazaqstannyń halyq ártisi Bıken Rımova­nyń 100 jyldyq mereıtoıyn  Túrksoı mádenı uıymymen birlesip halyqaralyq deń­geı­de atap ótý josparlanǵan. Teatry­myz uly aktrısamyzdyń esi­min ǵana ıelenip qoıǵan joq, sonymen qatar qazaq ónerine óshpes iz qaldyrǵan dara tul­ǵa­nyń taǵylymdy ómirin, sah­nadaǵy syndarly eńbegin umytpaı, sodan úlgi alyp ósip kele jatqan keıingi býyn akter­lerimizdiń izdenisin, jalpy shyǵarmashylyq áleýetin pash etý maqsatynda elimiz­diń júregi – bas shahar tóri­ne ar­naıy at basyn buryp, gastrolmen kelip otyrmyz. Kó­rer­menge ákelgen tartýymyz – álbette mazmundy spektaklder. Bıken apamyzdyń ǵasyr toıyna oraılasty­ryp uıymdastyrylǵandyqtan, gas­troldik saparymyzdyń shy­myldyǵyn belgili rejısser Qazaqstannyń eńbek sińirgen qaıratkeri Murat Ahmanovtyń sýretkerlik qoltańbasynda qoıylǵan aktrısanyń «Qos muńlyq» dramasymen ashýdy jón kórdik, – dep teatr dırektory Erlik Jýasbek jalpy óner sapary barysy týraly jan-jaqty maǵlumat berip ótti.

Sahna sańlaǵy Bıken Rı­mova segiz qyrly, bir syrly talant ıesi bolǵan. Tamasha aktrısa ǵana emes, óz ortasyn­da óreli dramatýrg dep te mo­ıyndalǵan sahnagerdiń qa­la­­mynan «Abaı – Áıgerim», «Qos muńlyq» syndy birneshe pesa týdy. О́z kezeginde aıtýly týyndylar qazaq teatrlary sahnasy­nan laıyqty ornyn aldy da. Sózimizdiń aıqyn aıǵaǵy bolsa kerek, tulǵa esi­min ıelengen teatr da aktrısa­nyń qalamynan týǵan son­daı qýatty týyndylardyń biri – «Qos muńlyqty» astanalyq kórermen nazaryna usyndy. Ataýy aıtyp turǵandaı spektaklde qoǵamdaǵy qarttar máselesi sóz bolady. Jalǵyz ulynyń shańyraǵyna syımaı, qarttar úıin panalaǵan keıýananyń muńly taǵdyry kórermenin bir sát te beıjaı qaldyrmady. Qoǵamǵa, bala-shaǵaǵa boıyndaǵy bar kúsh-qaıratyn sarqyp ber­gen qart kisiler nege óz bala­la­rynan qaǵajý kóredi? Jas­tar arasynda maskúnemdik, nashaqorlyq indeti asqynyp, olardyń ata-ana aldyndaǵy perzenttik paryzyn umytyp, tym qatygezdenip ketýine ne sebep? Mine, qoıylym qoǵamnyń osyndaı ashy suraqtaryna jaýap izdeıdi. Tolǵamy tereń, taǵylymy mol spektaklde Qazaqstannyń halyq ártisi Almahan Kenjebekova, Máken Nurmuhambetova, Mádenıet salasynyń úzdigi Saǵyndyq Jumádil, Aızada Baıǵabyl, Qa­zaq­stan Jastar odaǵy «Serper» syılyǵynyń laýreaty Dáýlet Qanat bastaǵan Taldyqorǵan teatrynyń talantty akterleri óner kórsetti.

– Zamandastarynyń bar­lyǵy kelmestiń kemesine minip, týǵan perzentteri qajet etpeı jalǵanda jalǵyz qalǵan keıýananyń aýyr da qasiretti taǵdyry sóz bolatyn bul qo­ıylym kim-kimdi de oılantpaı jibermeıdi. Týyndynyń kórermenine aıtar taǵylymy mol. Jastarymyz adaspasa eken. Ata-anasyn alaqany­na salyp aıalasa eken. Mine, «Qos muńlyq» qoıylymynda biz osyny jetkizgimiz keldi, – dedi teatr ártisi, Mádenıet salasynyń úzdigi Saǵyndyq Jumádil.

Gastroldik sapardyń ekin­shi kúni Taldyqorǵan ­teatry ujymy Astana qala­sy turǵyndary men qonaq­ta­ry­nyń nazaryna jas dramatýrg Qolqanat Murattyń shyǵarmasy negizinde rejısser Danııar Bazarqulov qoıǵan «Muǵalim» spektaklin usyn­dy. Qoıylymda kóterilgen ta­qyryptyń aýqymy óte keń ári búgingi zamanmen úndes. Muǵalimniń qoǵamdaǵy bedeli, ata-ana men balanyń, ustaz ben oqýshynyń arasyndaǵy qarym-qatynas jan-jaqty kór­setiletin qoıylym kórermen kóńiline de tereń iz qaldyrdy. Oǵan spektakl­ge arnaıy kelgen Darhan Jubanyshuly esim­di kórermenniń myna pikiri dálel:

– «Muǵalim» spektaklin ta­mashalap shyqtym. Áserimdi sóz­ben aıtyp jetkizý múmkin emes. Qoıylym qoǵamdaǵy ózekti máselelerdi sóz etken eken. Al ártisterdiń óz ról­de­rin asa sheberlikpen alyp shyq­qandary sonshalyq, eki saǵat­qa jýyq ýaqyttyń qalaı óte shyqqanyn sezbeı de qal­dym. Qazirgi qoǵamda bolyp jatqan kókeıkesti máselelerdi qamtyǵan ótkir de mazmundy qoıylym bolypty. Kórip rıza boldym. Barlyq ata-analar men oqýshylarǵa, jalpy jastarǵa kórýge keńes berer edim,  – dedi spektakl áserinen aryla almaı turǵan jas jigit.

Sonymen qatar aıtýly óner sapary aıasynda Tal­dy­­qorǵan teatry mýzeı bóli­mi­­niń meńgerýshisi Zámzá­gúl Na­zarbekqyzynyń uıym­das­tyrýymen ótkizilgen Bıken Rımovanyń 100 jyldyǵyna arnalǵan shyǵarmashylyq kór­meniń de kórermenine syıla­ǵan áseri men rýhanı azyǵy mol boldy desek, qatelespeımiz. Qoıylymǵa kelgen qonaqtar ataqty aktrısanyń ómir men óner jolynan mol maǵlumat alyp, ártistiń ár jyldary tutynǵan jeke zattary men sahnalyq kıimderi, áshekeı buıymdary men portretterin tamashalap, jádigerler tarıhymen keńinen tanysty.

– Astana jurtshylyǵyna tamasha tartýymyzben kel­dik. Ol – tulǵa ómirinen syr sher­­tetin myna kórme. Bıken apa­­myzdyń ǵasyr toıy Túrksoı mádenı uıymymen birlese halyqaralyq deń­geı­de uıymdastyrylyp jat­qan­dyqtan, aldaǵy ýaqytta sahna sańlaǵynyń kórmesin Ankara qalasynda ótkizýdi josparlap otyrmyz. Sonymen qatar qyrkúıek aıynyń sońynda apamyzdyń 100 jyldyǵyn úlken halyqaralyq festı­val­men jabý josparlanǵan. Qazir soǵan qyzý daıyndyq ústindemiz. Alys-jaqyn shetelden 5 teatr jáne elimizden 6 teatr qatysady. Osy arqyly Bıken Rımova esimin laıyqty deńgeıde ulyqtasaq deımiz, –dep sózin qorytyndylady teatr dırektory Erlik Tileýqululy. 

Iá, ǵasyr toıy ǵalamdyq deńgeıde toılanýǵa tıis aktrı­sanyń biri Bıken Rımova desek, oǵan eshkim qarsy daý aıta qoımas. Sahna men ekranda ólmes beıneler týdyryp, ulttyq ónerimizge qaltqysyz qyzmet etken sahna sańlaǵynyń esimi máńgi jasaıdy.