Eńbek jáne halyqty áleýmettik qorǵaý mınıstrliginiń habarlaýynsha, BAQ-ta, messendjerler men áleýmettik jelilerde tarap jatqan zııandy jaǵdaılarda jumys istegen azamattarǵa aldaǵy ýaqytta 55 jastan bastap taǵaıyndalatyn arnaıy áleýmettik tólemder úshin 7 jyl eńbek ótili bolý kerek degen aqparat jalǵan.
22 qyrkúıekte premer-mınıstrdiń orynbasary Tamara Dúısenovanyń 55 jastan bastap zııandy jaǵdaılarda jumys istegeni úshin arnaıy áleýmettik tólemderdi taǵaıyndaý boıynsha jýrnalısterdiń saýalyna bergen jaýaby boıynsha buqaralyq aqparat quraldary men áleýmettik jelilerde shyndyqqa janaspaıtyn aqparat tarap jatyr.
BAQ-ta jarııalanǵan aqparat boıynsha «Zııandy jaǵdaılarda jumys istegeni úshin ótili 7 jyldan kem bolmaý kerek» dep kórsetilgen.
«Qazirgi tańda arnaıy áleýmettik tólemderdi taǵaıyndaý úshin usynylatyn sharttardyń biri retinde jumys berýshiniń Biryńǵaı jınaqtaýshy zeınetaqy qoryna 7 jyldan kem emes mindetti kásibı tólemderdiń bolýy qarastyrylyp jatyr. Búgingi kúni múddeli memlekettik organdarmen, jumysshylar men jumys berýshilerdiń ókilderimen birlesip, osyǵan qatysty tásilderdiń qarastyrylyp jatqanyn habarlaımyz», dep málimdedi mınıstrlik.
