Kollajdy jasaǵan – Qonysbaı ShEJIMBAI, «EQ»
О́ńirdegi «Birgemiz» volonterlik front-keńsesiniń basshysy Anastasııa Volkovanyń málimdeýinshe, aımaqtaǵy 14 resýrs ortalyǵynda volonterler klýby ashylǵan. Oblystyq Jastar isi jónindegi basqarma quramyna volonter jastardyń ókilderi de múshe. «Barlyq aýdan men aýyldy qosa eseptegende volonterlik qozǵalysqa 30 myńdaı jas qatysady. Olar qozǵalystyń «Sabaqtastyq», «Saýlyq», «Taza álem», «Asyl mura», «Qamqor», «Bilim», «Úmit» sııaqty jeti túrli bastamasynan basqa áleýmettik, medıa, óner, janýarlar, medısınalyq volonterlik jáne t.b. baǵyttary boıynsha jumys isteıdi», deıdi Anastasııa Volkova.
Qyzyljar óńiriniń volonterleri, ásirese «Qamqor» baǵytynda aýqymdy jumys atqaryp keledi. Jalǵyzbasty nemese múmkindigi shekteýli qarııalardyń aýlasyn tazartý, bitelip qalǵan sý jyralaryn tazartý, kúzde kartoptaryn qazyp berý – mine, eriktilerdiń eń basty jumystary osylar. Sonymen qatar qarttarǵa dári-dármek, azyq-túlik jetkizip berý, otynyn daıyndaý, kómirin kirgizip berý, sýyn ákelý, zeınetaqysyn ákelip, kommýnaldyq tólemderin tólep berý sekildi jumystar da nazardan tys qalmaıdy. Osyndaı ıgi ister kezinde eriktiler qarııalarmen áńgimelesip, bir sát kóńil-kúıin aýlap qaıtady.
«Taza Álem» baǵyty boıynsha ekologııalyq marafon ótkizilip, Aıyrtaý aýdanynda «Biz birgemiz – taza Qazaqstan», Qyzyljar aýdanynda «Taza jaǵalaý», M.Jumabaev aýdanynda «Taza kólder» atty aksııalar uıymdastyryldy. Petropavl qalasyndaǵy Pestroe kóliniń jaǵasyn, Shal aqyn aýdanynda ortalyq saıabaqty tazalaý aksııalary da oıyn-qyzyqpen, yntalandyrylǵan jaryspen ótkizildi. Osyndaı ıgi isterge 1 300 adam qatysyp, barlyǵy 125 is-shara barysynda 106 tonna qoqys shyǵaryldy.
Jarymjan adamdar men az qamtylǵan otbasylarǵa arnalǵan túrli aksııalar da turaqty túrde ótkizilip turady. «Mektepke daıyndyq» aksııasy boıynsha áleýmettik jaǵdaıy tómen otbasylardyń 300-den astam balasyna sómke, mektepke qajetti qural-jabdyqtar, dápterler satyp áperildi. Bul baǵytta aýdandarmen qosa alǵanda barlyǵy 22 is-shara ótkizilip, kómek berý isi 800-deı balany qamtydy.
Sondaı-aq NEET sanatyndaǵy jastarǵa volonter-zańgerler men volonter-psıhologter kómek kórsetedi. Zańgerler aptasyna bir ret tegin keńes beredi. Jyl basynan bergi 8 aıda osy sanattaǵy jastarǵa 93 zańnamalyq konsýltasııa berilip, 30 jeke keńes jáne 14 psıhologııalyq trenıng ótkizilgen. Nazarbaev zııatkerlik mektebinde kembaǵal balalardy qoldaýǵa arnalǵan shoý-match uıymdastyrylyp, 1 mln 885 myń teńgeniń qaıyrymdylyq qarajaty jınaldy. Qaıyrymdylyq aýksıonynda Olımpıada chempıony Bahtııar Artaev pen Álem chempıony Janat Jaqııanovtyń qoldary qoıylǵan boks qolǵaptary satyldy. Jyl boıy ótkizilgen osyndaı is-sharanyń jalpy sany 1 560 shamasynda eken.
Volonterlikke jastardy yntalandyrý, qyzyqtyrý maqsatynda oblysta ıgi is-sharalarmen aınalysatyn qyz-jigittermen qyzyqty kezdesýler de udaıy uıymdastyrylyp turady. Jergilikti BAQ-ta «Jastar saıasaty», «Jas kelse, iske», «Zamanymyzdyń batyrlary», «Qazaqstannyń taza ózenderi», «Elimdi súıemin», «Jaqsylyqty tańdaımyn», «Volonterler», «Qaıyrymdylyq», «Biz birgemiz», «Eriktiler» sekildi aıdarlarmen turaqty habarlar berilip turady. Eriktilerdiń eren isterin ásirese TRK «Qyzyljar», «MTRK» jáne «Pervyı Severnyı» arnalary, «Soltustik Qazaqstan» jáne «Severnyı Kazahstan» aqparat quraldary, áleýmettik jelilerde «Petropavlovsk news», «7152.kz» portaldary turaqty jarııalap júr.
Soltústik Qazaqstan oblysy
