«Elimizde eńbekqor adam, kásibı maman eń syıly adam bolýǵa tıis. Osyndaı azamattar memleketimizdi damytady. Biz qarapaıym eńbek adamyna qurmet kórsetýimiz kerek», degen bolatyn Prezıdent Qasym-Jomart Toqaev Qazaqstan halqyna arnaǵan Joldaýynda. Zamandar toǵysyp, aqparattyq alań keńeıgen tusta qoǵamdyq sanada, óskeleń urpaq boıynda eńbek kýltin ornyqtyrý mańyzdy. Búgingi is-shara osy maqsatta uıymdastyrylyp otyr», degen ákim orynbasary jastardy jumyspen qamtý, qoldaý úshin oblysta qolǵa alynǵan is-sharalar tizbegin atap ótti.
«Jastardyń boıynda eńbek daǵdylaryn qalyptastyrý, tájirıbe jınaqtaýyna múmkindik jasaý maqsatynda «Alǵashqy jumys orny», «Jastar tájirıbesi», «Urpaqtar kelisimsharty» jobalary júzege asyrylady. Búgingi tańda óńirdiń 331 jas azamaty 2,5 paıyzdyq mólsherlememen shaǵyn nesıe aldy. Jyl sońyna deıin bul kórsetkish 375-ke jetedi dep josparlanǵan», dedi ákimniń orynbasary.
Sondaı-aq ol saltanatty is-sharada respýblıkalyq «Eńbek joly» konkýrsynyń óńirlik jeńimpazdaryn marapattady. «Úzdik eńbek áýleti» atalymy boıynsha Qonaev qalasyna qarasty Arna aýylyndaǵy №11 orta mekteptiń muǵalimi Antonına Myqtybaevaǵa oblys ákiminiń marapaty men sertıfıkatyn tabys etti.
«Fılıp Morrıs Qazaqstan» JShS-nyń oqytý óndirisi jáne ınjenerler tobynyń jetekshisi Aıjan Júnisova «О́ndiristiń úzdik jas mamany» atalymyn jeńip alsa, «Moınaq GES» AQ-nyń kezek bastyǵynan ortalyq basqarý pýnktinde stansa bastyǵyna deıin ósken Dýman Salımahýnov «Jumys isteıtin jastardyń úzdik tálimgeri» atalymynyń jeńimpazy atandy.
Jastyq jiger, bilim-biligimen daralanyp, óz salasynyń úzdikteri atanǵan birqatar jas maman da baǵaly syılyqtarǵa ıe boldy. Bul kúni eseli eńbek ıelerine estrada juldyzdary án-shashý tartý etip, tamasha kóńil-kúı syılady.
Almaty oblysy
