Foto: Ashyq derekkóz
«Ustalǵan azamat nomınaly 50 AQSh dollary bolatyn jalǵan aqsha kýpıýralaryn satýmen aınalysqan. Agenttik qyzmetkerleriniń baqylaýymen júrgizilgen satyp alý barysynda jasandy aqsha satý faktisi anyqtalyp, jalpy somasy 3850 dollar bolatyn jalǵan valıýta tárkilendi», dep habarlady vedomstvo ókilderi.
Qazir osy fakt boıynsha sotqa deıingi tergeý júrip jatyr. Kúdiktige qatysty «qamaýda ustaý» túrindegi bultartpaý sharasy sanksııalandy. О́zge tulǵalardyń zańsyz áreketke qatystylyǵyn anyqtaý boıynsha jedel-izdestirý is-sharalary júrip jatyr.
«QR QPK-niń 201-baby tártibindegi ózge de aqparat jarııa etýge jatpaıdy. QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi», dep túsindirdi agenttik.
