ShEKARALYQ BAǴANA-BELGI ORNATYLDY

Qol jetken ýaǵdalastyqqa sáı­kes Qazaqstan men Reseı memle­ket­teri shekarasynyń Aqtóbe jáne Orynbor oblystarynyń ýchaske­sin­degi Orsk qalasynyń shekaradan ótetin jer aýmaǵynda birinshi baǵa­na-belgi ornatýdyń saltanatty rá­simi boldy. Atalmysh sharaǵa kel­gen kórshiles eki eldiń delegasııa músheleri Qazaqstan men  Reseıdiń Ánurandary oryndalyp bolǵan soń sahna tórine kóterildi. Delegasııa­lar quramynda  Qazaqstan jaǵynan Aqtóbe oblysynyń ákimi Eleýsin Saǵyndyqov, erekshe tapsyrmalar jónindegi elshi Vıacheslav Ǵızatov, kórnekti memleket jáne qoǵam qaıratkeri, “Nevada-Semeı” qoz­ǵalysynyń tóraǵasy, halyq jazýshysy Oljas Súleımenov jáne Reseı jaǵynan Orynbor oblysynyń gýbernatory Alekseı Chernyshov, Reseıdiń Tótenshe jáne ókiletti elshisi Vladımır Volkov, Reseı Federaldy qaýipsizdik qyzmetiniń Orynbor oblysy boıynsha shekara qyzmetiniń bas­tyǵy, general-maıor Aleksandr Gýkov, sondaı-aq,eki eldiń demar­ka­sııalyq komıssııalarynyń jáne shekara qyzmetteriniń basshylary, memlekettik organdar ókilderi bol­dy. Shekarada baǵana-belgi ornatý saltanatynda sóz alǵan Orynbor oblysynyń ákimi Alekseı Cherny­shov bul sátti eki el úshin de óte mańyzdy oqıǵa retinde baǵalady. Kórshiles eki elde qalyptasqan dos­­­tyq, ózara yntymaqtastyq qa­tynastyń arqasynda shekaralyq máselelerdiń ózara ortaq til ta­bysý arqyly ońtaıly sheshilgenin jetkizdi. – Orynbor oblysynyń Qazaq­stan­men shekarasy 1800 shaqy­rymnan astam. Onyń ón boıynda qazirdiń ózinde 17 jeńildetilgen ótkizý pýnkti jumys isteıdi. Aqtóbe oblysymen shekaramyz 900 shaqy­rymnan asady. Ejelden aralas-quralasy toqtamaǵan eki óńirdiń ekonomıkalyq, saýda baılanysy ǵana emes, mádenı qarym-qatynasy da nyǵaıa túsýde. О́tken jyly Reseı men Qazaqstannyń shekaralas aı­maqtarynyń forýmyn ótkizgeni­mizde aqtóbelikter bizge qazaq dıas­po­rasynyń ulttyq aýylyn jaraq­tandyrýǵa kómek berdi. Ulttyq qazaq aýylynda Qazaqstan Res­pýb­lıkasynyń Prezıdenti Nursultan Nazarbaevtyń ózi bolyp, eki eldiń, eki halyqtyń dostyǵy men tatý­lyǵyna taǵy bir kóz jetkizdi. О́ńirlerdiń ózara yntymaqtastyǵy burynǵydan góri damı túsetinine senimdimin, – dedi Alekseı Cher­nyshov. О́z kezeginde Aqtóbe oblysy­nyń ákimi Eleýsin Saǵyndyqov she­karaǵa baǵana-belgi ornatýdyń óz­ara qarym-qatynasty halyq­ara­lyq normalarǵa sáıkestendir­geni bol­ma­sa, eki eldiń, eki ob­lys­tyń arasyndaǵy dostyq pen tatýlyq­qa, kelisim men ynty­maqtastyqqa selkeý túsirmeıti­nin jetkizdi. – Ústimizdegi jylǵy bes aıda  Aqtóbe oblysynyń Reseımen syrt­qy saýda aınalymy 150 paıyzǵa ósip otyr. Eksport ta, ımport ta óse tústi. Tek bıyldyń ózinde biz­diń oblystyń  Reseımen syrtqy saý­da aınalymy 6 mlrd. AQSh dol­laryn quraıtyn bolady.Al Oryn­bor oblysymen saýda aınalymy  2 mlrd. AQSh dollaryna jetedi dep otyrmyz. Jalpy Orynbor jáne Aqtóbe oblystary óz elderiniń ekonomıkalyq damýynda ózindik orny bar óńirler. Bizde tek ekonomıkalyq baılanys qana emes, mádenı baılanystar damyp otyr. Orynbor oblysymen eki arada jeńildetilgen on ótkizý pýnkti jumys isteıdi. Sondyqtan barys-kelis, aralas-quralastyq artpasa, kemimeıdi, – dep tujyrymdady oıyn Eleýsin Naýryzbaıuly. Memlekettik shekara – ár eldiń Ánurany,Týy men Eltańbasy sııaqty zor mártebege ıe. Eki eldiń jerimen ótetin shekaraǵa demar­kasııa jasalǵanymen kórshiles elderdiń yntymaqtastyǵyna selkeý túsirmeıdi.Mańyzdy sharaǵa qatysqandardyń ortaq pikiri osyǵan dálel bolady. Satybaldy SÁÝIRBAI, Aqtóbe oblysy.