Igi is-sharada basqarma tóraǵasy N.Taǵanuly stýdentter úıiniń ashylýy erekshe oqıǵa ekenin atap ótti. Elimizdegi barsha din qyzmetkerlerine joldaǵan baǵdarlyq baıandamasynda respýblıkalyq mańyzy bar 3 qala men oblys ortalyqtarynan áleýmettik az qamtylǵan otbasylardan shyqqan stýdentterge arnap qaıyrymdylyq turǵysynda múftııat jataqhanalaryn ashýdy tapsyrǵanyn aıtty. Qazirgi tańda jataqhana tapshylyǵy qoǵamdaǵy kúrdeli máselege aınalǵanyn, qalaǵa oqý izdep kelgen jetkinshekter úshin jataqhana aýadaı qajet ekenin tilge tıek etti.
«Ásirese áleýmettik jaǵdaıy tómen otbasylardan shyqqan stýdentter úshin páter jaldaý – qıynnyń-qıyny. Bul jataqhanaǵa kópbalaly otbasydan shyqqan, ata-anasynan aıyrylǵan stýdentter qabyldanady. Jataqhanada shákirtterdiń alańsyz bilim alýyna jaǵdaı jasalǵan, mundaı ǵımarattar elimizdiń ár óńirinen ashylyp, elimizde jataqhana tapshylyǵy azaıatynyna senemin», dedi Naýryzbaı Taǵanuly.
QMDB tóraǵasy sóılegen sózinde bilim, dinı ilim jolyndaǵy jastarǵa kómektesý–úlken saýapty is ekenin atap, bilim jolyndaǵy jastarǵa kómektesýdi paıǵambarlyq mártebeden keıingi orynǵa qoıǵan ǵulama Ibn Mýbaraktyń sózin mysalǵa keltirdi.
«Bilim alýshyǵa kómektesý degenimiz–ilim úırenýshi adamnyń saýabyndaı saýapqa kenelý degen sóz. Alla Taǵala ıgi iske úles qosqan barsha azamatqa mol saýaptan jazsyn», dedi Bas múftı Naýryzbaı qajy Taǵanuly.
Stýdentter úıine jergilikti joǵary oqý oryndarynan qabyldanǵan 10 stýdenttiń tamaǵy jáne jatyn oryndary aqysyz qamtylǵan.
