Overtaımda basym tústi

Keıingi eki kezdesýinde sátsizdikke ushy­raǵan elordalyq ujym syrt aıdyndaǵy úshin­shi oıynynda óz jankúıerlerin qýantty. Eki klýb arasynda ótken asa tartysty básekede sport keshenine jınalǵan jankúıerler 11 shaı­banyń kýási boldy. Matchtyń birinshi keze­ńinde «Neftehımık» sapynan Rafael Bık­mýllın men Aleksandr Dergachıov mergendik tanytsa, «Barys» oıynshysy Pontýs Oberg bir shaıbamen qarymta qaıtardy. Al ekinshi kezeńde «Barys» komandasynan Pontýs Oberg pen Kırıll Savıskıı nysanany dál kózdep, jerlesterimiz 3:2 esebimen alǵa shyqty.

Úshinshi kezeńde Aleksandr Dergachıov pen Rafael Bıkmýllın «Neftehımıkke» basymdyq syılaǵanymen, arada kóp ýaqyt ótpeı Pontýs Oberg oıyndaǵy úshinshi shaıbasyn soǵyp, tarazy basyn qaıta teńestirdi. Match sońyna deıin Evgenıı Mıtıakın men Samat Danııar bir-bir márteden kózge tústi. Sóıtip, negizgi kezeń 5:5 esebimen aıaqta­lyp, oıyn overtaımǵa ulasty. Al qosymsha kezeńde jerlesterimizdiń baǵy janyp, qar­sy­lastarynan jeńisti julyp aldy. Jeńis golynyń avtory – Raılı Barber. Endi «Ba­rys» óz aıdynyndaǵy oıyndaryn elordada «Admıral» (28 qyrkúıek) men «Sıbır» (30 qyr­kúıek) komandalarymen ótkizedi.