Reseılik tennısshi Aleksandra Panovamen jup qurap óner kórsetken otandasymyz alǵashqy aınalymda nıderlandtyq Arıanne Hartono men aýstralııalyq Olıvııa Tıandramýlııany jarys jolynan taıdyrdy. Osy dodanyń 2-raketkasy bolyp tirkelgen qazaqstandyq-reseılik jup eki setke jalǵasqan matchta qarsylastarynan 6:4, 7:5 esebimen basym tústi. A.Danılına men A.Panova shırek fınalda qytaı qyzdary – Hanıý Gýo jáne Szıan Sınıýmen sheberlik baıqasady.
О́kinishke qaraı, dál osy týrnırdiń jekeleı synynda óner kórsetken áıelder arasynda elimizdiń ekinshi raketkasy, álemdik reıtıngte 73-orynda turǵan Iýlııa Pýtınseva ekinshi aınalymnan árige asa almady. Ol alǵashqy kezeńde dúnıejúzilik reıtıngte 248-orynda turǵan aýstralııalyq Darıa Savılldi eki sette 6:1, 6:4 esebimen jeńgenimen, ekinshi aınalymda jaraqatyna baılanysty jarysty erte aıaqtaýǵa májbúr boldy.
