INDÝSTRIIаLANDYRÝ SAIаSATYNA TÚSINIK

Qazaqstan Respýblıkasynyń Prezıdenti janyndaǵy Memlekettik basqarý akademııasynda atalǵan akademııa men Indýstrııa jáne jańa tehnologııalar mınıstrliginiń uıymdastyrýymen “Qazaqstan Respýblıkasynyń ındýstrııalyq-ınnovasııalyq saıasaty: basymdyqtar men iske asyrý joldary” atty memlekettik qyzmetshilerdiń biliktiligin arttyrý semınary ótti. Ony Premer-Mınıstrdiń orynbasary –Indýstrııa jáne jańa tehnologııalar mınıstri Áset Isekeshev pen Prezıdent janyndaǵy Memlekettik basqarý akademııasynyń rektory Aryn О́rsarıev ashty. Semınar jıyny barysynda sóz alǵan Premer-Mınıstrdiń oryn­ba­sary – Indýstrııa jáne jańa tehnologııalar mınıstri Áset Ise­ke­shev eldegi ındýstrııalyq-ınnovasııalyq saıasattyń júzege asyrylýy men maqsat-mindetterine toqtala kele, osy baǵytta oılaǵan maqsatqa qol jetkizý úshin ár aımaqtyń ózindik ereksheligine oraı damytylýy tıis basym baǵyttardy tańdap alý qajettigin nazardan tys qaldyrmady. Ol úshin aımaqta neni damytýǵa bolatyndyǵy jóninde arnaıy karta daıyndaǵan durys jáne bul jumystardy túrli salalar boıynsha bilikti mamandardyń qa­tysýymen júzege asyrǵan jón. Tip­ti bıznes salasynyń ókilderimen de keńesip alǵannyń artyqtyǵy joq. Eger osy is talapqa saı uıymdas­ty­rylatyn bolsa, elimizdiń ár obly­synan bolashaqta damytýǵa qolaıly kem degende jaqsy bir sala shyǵady, dedi Úkimet basshy­synyń orynbasary. Atalǵan basqosýdyń maqsaty elimiz ındýstrııalyq-ınnovasııa­lyq saıasatynyń ózekti baǵyttaryn jarııalaý jáne talqylaý bolyp tabylady. Semınar tyńdaýshylary atalmysh jıynda Qazaqstannyń údemeli ındýstrııalyq-ınnovasııa­lyq damýy jónindegi 2010-2014 jyldarǵa arnalǵan Memlekettik baǵdarlamasy­nyń ózekti baǵyt­tarymen tanysty. Sonymen birge osy baǵdarlamanyń qalyptastyrý qaǵıdattaryn jáne ony júzege asy­rýdyń aǵymdy tájirıbesin zer­deleý jaıyndaǵy maǵlumattardan, ony júzege asyrýdyń normatıvtik quqyqtyq bazasynan da habardar boldy. Basqosýda birqatar vedomstvo­lar ókilderi arnaıy baıandamalar jasap, tyńdaýshylarmen osy máseleler tóńireginde tájirıbe almasty. О́nerkásiptiń basym salalary týraly Indýstrııa jáne jańa tehnologııalar vıse-mınıstri Nurmuhamed Ábdibekov, AО́K 2014 jylǵa deıingi damýynyń negizgi baǵyttary jaıynda Aýyl sharýa­shylyǵy vıse-mınıstri Arman Evnıev, al ındýstrııalandyrý kartasy týraly Indýstrııa jáne jańa tehnologııalar vıse-mınıstri Berik Qamalıev baıandady. Ábdirahman QYDYRBEK.