Foto: Oqý–aǵartý mınıstrligi
Innovasııalyq shyǵarmashylyq jumys mıkroavtobýs úlgisinde jasalǵan. Kolledj stýdenti Benks Anarbaıdyń aıtýynsha, kólik kún sáýlesinen qýat alatyn jaryqtandyrý qurylǵylarymen jabdyqtalǵan.
Joba avtorynyń aıtýynsha, atalǵan kólik shaǵyn, yńǵaıly, onymen júk jáne adam tasymaldaýǵa bolady. Júk salýǵa arnalǵan bortyna laıyqtalyp jasalǵan úlken ústelin, oryndyqtaryn jáne shatyryn qajet kezde quryp, keıin qaıta jınap qoıýǵa bolady. Tabıǵat aıasynda demalýǵa qolaıly ámbebap avtokólikti «Autocamp» dep atapty.
«Autocamp» kóligi qarańǵy ýaqytta kúnnen jınaqtaǵan jaryq arqyly qýattalady.
