«Astana Operada» 29-30 qyrkúıekte jáne birinshi, úshinshi qazanda German Levenskoldtyń «Sılfıda» baletiniń premerasy ótedi.
Arman men shyndyqtyń, aqıqat pen qııaldaǵy ómirdiń sharpysýy týraly qoıylymnyń kórermenge bereri mol.
– German Levenskoldtyń «Sılfıda» baletiniń premerasy elimizdiń bas sahnasynda bolǵaly jatyr. «Sılfıda» baletimen birge romantızm dáýiri keldi. Birinshi premerasy 1832 jyly Parıjdegi Grand-Opera teatrynda boldy. Danııalyq baletmeıster A.Býrnonvıldiń arqasynda osynaý ańyzǵa aınalǵan balet bizdiń zamanymyzǵa jetti. Balet tolyǵymen Býrnonvıldiń stılinen, Shotlandııanyń mádenıetinen turady. О́z jaǵymyzdan osy stıl men mádenıetti kórsetýge qyzý jumys júrip jatyr, – dedi «Astana Opera» solısi Serik Naqysbekov.
«Astana Opera» teatrynyń solısi Shuǵyla Ádephan basty partııany oryndaýdaǵy «Sılfıda» baletiniń ereksheligin atap ótti.
– Bul balette tipti sekirýdiń ózi basqa baletterdegi sekirýlerge uqsamaıdy. Onda qozǵalys poetıkasy, áldebir salmaqsyzdyq kórinis tabýy qajet. Sonda kórermen seniń ǵajaıyptan týǵan tirshilik ıesi ekenińdi túsinedi. Men úshin balettiń dramatýrgııasyn túsiný, ózimdi basqa rólde baıqap kórý, jan-jaqty ashylý óte mańyzdy boldy. Ishki jan dúnıeme qyzyqty saıahat jasaǵandaımyn, – dedi ol.
