Elorda • 27 Qyrkúıek, 2023

«Jasyl Astana» ekologııalyq aılyǵy

211 ret

kórsetildi

1 mın

oqý úshin

Aınalasynyń tazalyǵyna beıjaı qaramaıtyn, qorshaǵan ortasynyń kórkeıip qulpyrýyna beıildi azamattardyń kóbeıýimen qoǵamda ekologııalyq mádenıettiń qalyptasýy bekı túsedi. Osynaý úlgili úrdistiń bir kórinisi elordada ótip jatqan «Jasyl Astana» ekologııalyq aılyǵynan baıqalyp, kóńil qýantty. Atalǵan aılyqtyń alǵashqy aptasynda-aq qoǵamdyq iske 66 myńnan asa qala turǵyny atsalysty.

Orynbek О́TEMURAT

16 qyrkúıekte bastalǵan dástúrli «Jasyl Astana» ekologııalyq aılyǵy 14 qazanǵa deıin jalǵasady. Osy aılyq aıasynda ótken senbide jalpyqalalyq senbilik ótti. Buǵan bilek sybanyp, qala turǵyndary belsene qatysty. Sondaı-aq tazalyq is-sharasyna bıznes ókilderi, kásiporyndar, uıymdar, onyń ishinde «Qazaqstan Ǵarysh Sapary», «QazMunaıGaz» UK» AQ atsalysty.

Kommýnaldyq senbilik aıasynda 1 240 jasyl jelek otyrǵyzyldy. Senbilikter aıasynda búginge deıin aýdany 1 mln 360 myń sharshy metrden asa saıabaqtar men alańdar tazartyldy. 108 birlik tıeý tehnıkasy jáne 215 birlik júk tehnıkasy jumyldyryldy.

Jalpy, 16 qyrkúıek pen 23 qyrkúıek aralyǵyndaǵy kezeńde senbilikke 66 myńnan asa adam qatysty. 2 400-den asa jasyl jelek otyrǵyzyldy. Astana qalasyndaǵy qatty turmystyq qaldyqtar polıgonyna 108 tonnadan asa qaldyq jınalyp, tasymaldandy.

Osynaý ıgi bastama jalǵasyn taýyp, aılyq aıasynda qalalyq qyzmetterdi, eńbek ujymdaryn jáne belsendi qala turǵyndaryn jumyldyra otyryp, birneshe kommýnaldyq jáne jalpyqalalyq senbilik ótkiziledi.