Pedagogter men ǵalymdardyń basyn biriktiretin dástúrli halyqaralyq ǵylymı forým bıyl «STEM – bilim berýdiń turaqty damýy» taqyrybynda ótti.
Eýropanyń jaratylystaný salasyndaǵy tájirıbeli professorlary Maıkl Gregorı (Fransııa), Gordon Kennedı (Italııa), Nasko Stamenov (Bolgarııa), Pol Landmannan (Ispanııa) tórelik etken baıqaýda elimizdiń túkpir-túkpirinen usynylǵan 50 úzdik joba talqyǵa tústi. Nátıjesinde, sarapshylar jeti jobany tańdap aldy. Jeńimpaz ustazdar kelesi jyldyń jazynda Fınlıandııada ótetin eýropalyq «Science on Stage-2024» 13-festıvalinde eldiń namysyn qorǵaıdy.
«Science on Stage» festıvaline Eýropanyń 30-dan astam elinen ulttyq baıqaýlardyń jeńimpazdary qatysady. Kásibı alańda álemniń 500-ge jýyq mektep muǵalimderi stendterde, semınarlarda jáne sessııalarda eń kreatıvti STEM ıdeıalarymen bólisetin bolady.
ALMATY
