Prezıdent álemniń damyǵan elderiniń ekonomıkasy tarapynan lıtııge suranys artyp kele jatqanyna nazar aýdaryp, sırek kezdesetin metaldardy óndirý jáne qaıta óńdeýyntymaqtastyqty damytýdyń asa mańyzdy baǵyttarynyń biri ekenin aıtty.
Memleket basshysy taý-ken óndirý ónerkásibine qolaıly retteý ekojúıesin qalyptastyrý úshin Qazaqstan bar kúsh-jigerin jumsaıtynyn jetkizdi.
HMS Bergbau AG basshysy Shyǵys Qazaqstan oblysynda lıtıı óndiretin jáne ony qaıta óńdeıtin ken baıytý kombınatyn salý jobasyn tanystyrdy. Onyń aıtýynsha, josparlanǵan ınvestısııanyń jalpy somasy – 500 mıllıon dollar.
Qasym-Jomart Toqaev mundaı ınvestısııalyq jobalardyń el ekonomıkasy men onyń álemdik arenadaǵy básekege qabilettiligin qoldaý úshin mańyzdy ekenin atap ótti.
HMS Bergbau AG – Germanııadaǵy qatty paıdaly qazbalardy barlaýmen jáne óndirýmen aınalysatyn jetekshi táýelsiz kompanııalardyń biri. Bul kompanııa AQSh, Sıngapýr, OAR, Indonezııa, Polsha, BAÁ, Botsvana memleketterinde shıkizat óndirý jumystaryn belsendi júrgizedi. Sondaı-aq onyń Qytaıda, Úndistanda, Kenııada, Malaızııada, Pákistanda, Shrı-Lankada, Bangladeshte jáne Vetnamda ókildikteri bar.
