Taýarlardy bajsyz ákelý múmkindigi

Otandyq delegasııany Pre­mer-mınıstrdiń orynbasary Serik Juman­ǵarın basqardy. Oty­­rysta EAEO-ǵa múshe elder qazaqstandyq tarap­tyń basta­masymen taǵy eki usy­nysty qol­dap, qabyldady. Birinshi másele – EAEO boıynsha áriptes elder­diń memlekettik satyp alýlary­na bıznes­tiń qatysýy úshin qoljetimdi taýarlar men qyzmetterdiń tizimin odan ári keńeıtý. Qazaqstan bul jumysty kezeń-kezeńimen júrgizip keledi. О́tken otyrysta satyp alýǵa qaty­sýǵa bolatyn tizbege aýyr mashına jasaý jáne ól­sheý quraldary salalary engizildi. Ar­naıy, aýyr mashına jasaý, hımııa jáne munaı-gaz ónerkásibi, ólsheý qural­dary salalarynda 7 taýar pozısııasy boıynsha sharttar, óndiristik jáne tehnologııalyq operasııalar belgilendi.

Ekinshi usynys dárilik zattar­dy sáıkestendirý quralda­rymen tańbalaýǵa qatysty. 2025 jylǵa qaraı dárilik preparat­tardyń biryńǵaı naryǵyn qalyp­tas­tyrý úshin qajetti qujat 2021 jyldan bastap talqylanyp keledi. Qazaqstandyq taraptyń usy­nys­tary óz aýmaqtarynda tańbalaý jasaǵan EAEO-ǵa mú­she memleket­terdiń dárilik pre­pa­rattardy sáı­kestendirý qural­daryn ózara taný shart­taryna qatysty boldy. Osy nor­malar áli qabyldanbaǵan elder eks­port kezinde óz preparattaryn taýar­lar jetkiziletin memlekettiń zań­na­ma­syna sáıkes tańbalaıdy.

Jeke tulǵalar men onlaın saýdany tańdaıtyndarǵa mańyz­dy sheshimderdiń ishinde 2024 jylǵy 1 sáýirge deıin EAEO kedendik aýmaǵyna jet­kiziletin jeke paıdalanýǵa arnal­ǵan taýar­lardyń, ıaǵnı zattardyń  1000 eýro mólsherindegi shekti quny uzar­tyldy. Bul ýaqytsha shara onlaın-saý­dany qoldaýdy qamtamasyz etýge jáne EAEO-ǵa múshe memleketter azamat­tarynyń ımporttyq taýarlarǵa degen suranysyn qanaǵattandyrýǵa arnalǵan.

EEK keńesi Aýa raıy boljamy jáne meteorologııa salala­ryn­daǵy qyz­metter sektory boıyn­sha ákim­shilik yntymaqtastyq týraly kelisim­niń jobasyn ma­qul­dady. Qujat qatysýshy elderdiń saıttarynda erkin qol­jetimdilik qamtamasyz etile­tin aqparattyń tizbesin jáne ózara aqparattyq is-qımyl tártibin aıqyn­daıdy. Kelisim Eýrazııalyq ekonomıkalyq odaq aıasynda aýa raıy boljamy jáne meteorologııa boıynsha qyzmetterdiń biryńǵaı naryǵyn qalyptastyrýǵa múmkin­dik beredi.

Keden odaǵynyń et jáne et ónim­deriniń qaýipsizdigi týraly tehnı­kalyq reglamentine ózgerister en­gizildi. О́zgerister et ónimderin tutyný­shy­lardy shatas­tyrmaý úshin taǵamdyq zattardyń mólsherin jáne ruqsat etilgen aýytqýlardy durys kórse­týdi baqylaýǵa baılanysty másele­lerdi sheshýge baǵyttalǵan.

Sondaı-aq kedendik, tehnıka­lyq retteý, energetıka jáne ózara aqparat­tyq is-qımyl salala­ryndaǵy ekonomı­kalyq ınte­g­ra­sııany damytýǵa baǵyt­tal­ǵan birqatar másele qaralyp, qabyl­dandy.