Quryltaıdyń kózdegeni – qundylyqtardy ulyqtaý

Memleket basshysynyń bas­tamasymen qurylǵan Ult­tyq quryltaı qyzmeti «qoǵam­dyq dıalogtiń biryńǵaı ıns­tı­týsıonaldyq modelin» qa­lyptastyrýǵa, bılik pen azamat­tardyń ózara is-qımylyn ny­ǵaıtýǵa baǵyttalǵan.

Túrkistan qalasynda ótken Ulttyq quryltaı otyrysyn­da Prezıdent «Ádiletti Qazaq­standy qurý úshin árbir otandasymyz adal azamat bolýy» qajettigin atap ótti. Qoǵamda otanshyldyq, adamgershilik, bi­limpazdyq, naǵyz maman bolý, únemshildik, eńbekqorlyq, el men jerge janashyrlyq sııaqty asyl qasıetter bárinen bıik tu­rýǵa tıis. Osylaısha, biz jas urpaqty adal azamat etip tár­bıeleý, Ulttyq biregeılikti ny­ǵaıtý, jańa qundylyqtardy or­nyq­tyrý úshin júıeli jumys isteýimiz qajet. Elimizde belsen­di sarapshylardyń Ulttyq quryltaı quramyna enýi qoǵam­nyń elimizdiń qoǵamdyq-saıası ómirine qatysý múmkindigin keńeıt­ti jáne azamattardyń zań­dy quqyqtary men múddelerin qor­ǵaýǵa múmkindik jasady.

Kezdesýde Mádenıet jáne aqparat mınıstri Aıda Balaeva Ulttyq quryltaı múshe­leri­niń usynystaryn tyńdap, eli­mizde jańa qoǵamdyq etıka qa­lyp­tastyrý, eldiń bir­ligi men turaqtylyǵy, azamattar­dyń ózara tilektestigi, ádil­dik, zań men tártip, senim jáne jaýap­kershilik sııaqty qundy­lyq­tar­dy ilgeriletý máselelerin tal­qylady.

Sondaı-aq Aıda Balaeva Memleket basshysynyń Túrkis­tan qalasynda ótken Ulttyq quryl­taıda bergen tapsyrmasy aıasynda mádenı murany saqtaý jáne zerdeleý, eldiń ózindik ereksheligin kórsetetin jáne ulttyq múddelerge sáıkes keletin kitaptardyń shyǵarylymyn ul­ǵaı­tý máseleleri boıynsha aq­pa­rat berdi.