Inspeksııalyq saparlardyń negizgi maqsaty – aldaǵy ákimderdi tikeleı saılaýdy ótkizetin aýdandyq saılaý komıssııalaryna basa nazar aýdara otyryp, óńirlik saılaý organdaryna ádistemelik kómek kórsetý jáne oqytý. Inspeksııalyq sapar barysynda azamattardy naýqan kezeńderi men daýys berý kúni týraly aqparattandyrý máselesine erekshe nazar aýdaryldy.
Soltústik Qazaqstan oblysyna sapary kezinde OSK tóraǵasynyń orynbasary Konstantın Petrov semınar-keńesterdiń jumysyna qatysty. Jıynda oblystyq máslıhat depýtattary ákimderdi saılaıtyn úsh aýdandy anyqtaǵan. Olar: Esil, Tımırıazev jáne Mámlút.
Keńes barysynda sondaı-aq aýmaqtyq saılaý komıssııalary, aýdandardyń jergilikti atqarýshy jáne quqyq qorǵaý organdarynyń ókilderi saılaýǵa daıyndyq týraly baıandady. Olar saılaý naýqanynyń negizgi erekshelikteri, saılaýdy uıymdastyrýdan bastap daýys berý kúnine deıingi saılaý rásimderi, ákimge kandıdattardy usyný jáne tirkeý tártibi, saılaý aldyndaǵy úgit júrgizý, ýchaskelik saılaý komıssııalarynyń saılaýǵa daıyndyq kezeńinde jáne ony ótkizý kúnindegi qyzmetin túsindirip ótti.
Semınar-keńesterdiń qorytyndysy boıynsha OSK tóraǵasynyń orynbasary K.Petrov aýdandyq saılaý komıssııalary músheleri men ýchaskelik saılaý komıssııalary tóraǵalarynyń suraqtaryna jaýap berdi.
Al OSK múshesi Sábıla Mustafına aýmaqtyq saılaý komıssııalarynyń Aqmola oblysyndaǵy ýchaskelik saılaý komıssııalarynyń tóraǵalaryn, tóraǵalarynyń orynbasarlary men hatshylaryn oqytýǵa qatysty. Máslıhattar saılaý ótetin bes aımaqty – Aqkól, Astrahan, Jaqsy, Esil jáne Shortandy aýdandaryn belgilegen.
Oqytý semınarlary sheńberinde ótkizilgen «Daýys berý kúni» iskerlik oıyny barysynda daýys berý kúniniń barlyq kezeńderi egjeı-tegjeı qaraldy. Sonymen qatar ÝSK músheleri úshin saılaýǵa qatysýshylardyń quqyqtary men mindetteri týraly keıs tapsyrmalar daıyndaldy, daýys berý kúni týyndaıtyn standartty emes jaǵdaılar modeldenip, olardy sheshý ádisteri túsindirildi. Semınarlar qorytyndysy boıynsha oqýǵa qatysýshylar saılaý zańnamasyn bilýge testileýden ótti.
Shyǵys Qazaqstan oblysynyń máslıhattyń sheshimimen ákimderdiń alǵashqy tikeleı saılaýy ótetin Altaı jáne Glýbokoe aýdandarynda OSK múshesi Anastasııa Shegorsovanyń qatysýymen saılaýdy daıyndaý jáne ótkizý boıynsha kóshpeli semınar-keńester uıymdastyryldy.
Semınarlarda jergilikti atqarýshy organdar men prokýratýra ókilderi sóz sóılep, saılaýǵa daıyndyq jáne naýqandy ótkizý kezeńinde zańdylyqty saqtaý boıynsha atqarylǵan jumystar týraly baıandady.
Saılaý komıssııasynyń músheleri úshin iskerlik oıyn ótkizilip, ýchaskelik saılaý komıssııalary músheleriniń daýys berý kúni tıisti is-qımyl algorıtmimen jumysy kórsetildi. Oqytý trenıngterine 500-den asa saılaý komıssııalarynyń múshesi qatysty.
Semınar barysynda A.Shegorsova azamattardy saılaý naýqanynyń barysy týraly BAQ jáne áleýmettik jeliler arqyly ǵana emes, basqa da kommýnıkasııa quraldary arqyly ýaqytyly habardar etýdiń mańyzdylyǵyn erekshe atap ótti.
Budan basqa, OSK ınternet-resýrsy arqyly ákimder saılaýyn uıymdastyrýǵa jáne ótkizýge tartylǵan aýmaqtyq jáne ýchaskelik saılaý komıssııalarynyń múshelerine qashyqtan oqytý jáne testileý uıymdastyrylady. Sondaı-aq Elektoraldyq oqytý ortalyǵynyń bazasynda barlyq oblystyń jáne 45 aýdannyń jáne oblystyq mańyzy bar qalanyń aýmaqtyq saılaý komıssııalarynyń múshelerine arnalǵan birqatar onlaın-semınarlar josparlanyp otyr.
