Elimizdiń áleýmettik-ekonomıkalyq ál-aýqatyn kóterýge baǵyttalǵan Joldaýda da halyq kókeıinen shyǵatyn aqjoltaı málimetter az bolǵan joq. Prezıdent el azamattarynyń tabysyn arttyrý úshin 2024 jyldyń 1 qańtarynan bastap eń tómengi jalaqy mólsherin 85 myń teńgege kóterýdi Úkimetke tapsyrdy. Bul shara 1 mıllıon 800 myń adamnyń, onyń ishinde bıýdjet salasynda eńbek etetin 350 myń azamattyń ál-aýqatyn arttyrýǵa oń septigin tıgizetini anyq. Jalpy, keıingi bes jyldaǵy Prezıdent Joldaýlary bir-birimen biteqaınasyp jatyr. О́tken jyly bastaý alǵan saıası jańǵyrý jumystary úlken ekonomıkalyq ózgeriske ulasty.
Osy oraıda «Amanat» partııasy Memleket basshysynyń árbir Joldaýda ár salaǵa qatysty aıtylǵan tapsyrmalaryn negizge ala otyryp, qoǵamnyń, eldiń damýy úshin aýqymdy jobalar usynyp, sonyń negizinde qyrýar jumys atqaryp keledi. Joldaýda partııalyq jobalar da qoldaý taýyp otyr. Máselen, «Jer amanaty» jobasy aıasynda ıgerilmeı jatqan nemese zańsyz berilgen 8 mıllıon gektar jer memleket menshigine qaıtaryldy. Bul – «Jer amanaty» komıssııasy jumysynyń naqty jemisi. Oblysta atalǵan komıssııanyń kúshimen ótken jyly 113 myńnan asa gektar jer memleket menshigine qaıtarylsa, jyl basynan beri 68 myń gektar jer qaıtaryldy. Aldaǵy bes jylda ıgerýsiz jatqan taǵy 190 myń gektar jer qaıtarylady.
Oblysta aýyldy damytýǵa arnalǵan jańa tujyrymdamaǵa arqaý bolyp jatqan joba jaıly aıtar bolsaq, búginde oblysta baǵdarlama boıynsha óńirdegi aýyl turǵyndarynyń tabysyn arttyrýǵa 8,3 mlrd teńge kóleminde qarajat bólindi. Joba aıasynda búgingi tańda oblys boıynsha jalpy somasy 2 mlrd 668 mln teńgege ótinim maquldandy. Búgingi kúnge aýyl turǵyndaryna 664 mln teńgeden asa somada 98 shaǵyn nesıe berildi.
Nesıe alǵanmen ony durys ıgere almaı, maqsatsyz jumsaýdyń saldarynan halyq qaryzǵa batyp jatyr. Qujatta bul másele de Prezıdenttiń nazarynan tys qalmady. Tabysty ómir súrýdiń kilti tek aqsha tabýda emes, únemdeı bilýde. Bul – barshaǵa aıan qaǵıdat. Qazir búkil álem únemdeýge bet buryp otyr. Ol sý resýrstarynan bastap, qarapaıym otbasy tabysyn únemdeýge de qatysty. Biz de osyny úırenýge tıispiz. Turǵyndardyń kredıtti shamadan tys alýy da Prezıdentti qatty alańdatyp otyr. Búginde mıllıonnan astam otandasymyz nesıesin tóleı almaı júr. Memleket basshysy buǵan da naqty jaýap berdi. Osy oraıda azamattardy jappaı qarjylyq saýattylyqqa oqytýdyń aýqymyn keńeıtýdi tapsyrdy. «Amanat» partııasy bul jumysty bastap ketti. «Qaryzsyz qoǵam» jobasynyń alǵashqy nátıjeleri kóńil kónshiterlik. Prezıdent bul jobany Úkimetpen birlesip iske asyrýdy tapsyrdy.
Osy oraıda, atalǵan joba Almaty oblysynda da óz jumysyn belsendi jalǵastyryp jatqanyn atap ótkim keledi. Alǵashqy aptanyń nátıjesin kórip, halyqtyń jobaǵa degen joǵary qyzyǵýshylyǵyn baıqadyq. Jyl sońyna deıin óńirde 9 myńǵa jýyq azamattyń qarjylyq saýatyn arttyrý josparlanǵan. Joba aıasynda qazirgi tańda 5 myńnan asa turǵyn qarjylyq saýatyn arttyrdy.
Joldaýdyń taǵy bir jetistigi, elimizde Sý resýrstary jáne ırrıgasııa mınıstrligi quryldy. О́ıtkeni, sý máselesi elimiz úshin asa ózekti. Almaty oblysynda da sýdyń sapasy men halyqqa qoljetimdiligine qatysty másele kóp. Endi sýǵa qatysty barlyq máseleni sheshý osy vedomstvonyń moınyna júkteledi. О́ńirdiń sharýalary jańadan qurylǵan mınıstrlikten kóp úmit kútedi. Jyl saıyn óńirde egin alqaptaryn sýarýǵa qajetti mólsherdiń teń jartysy ysyrap bolyp jatady. Aryqtar men ırrıgasııalyq júıelerdiń tozyǵy jetken. Sondaı-aq eginshiler de tamshylatyp sýarý ádisin qoldana bermeıdi. Al Ile aýdanynda ornalasqan «Sorbulaq» sý qoımasynyń tehnıkalyq múmkindigi tolyq ıgerilmeı keledi. Qoımadaǵy sýmen 10 myń gektardan astam jerdi molynan sýarýǵa múmkindik bar. Alaıda, qazir sýarylatyn egistik kólemi úsh myń gektarǵa da jetpeıdi. Al jasandy kólge 1 mlrd tekshe metr sý sııady.
Joldaýdan túıgen basty oı – tıimdilik. Biz osy tapsyrmalardyń bárin júıeli ári tıimdi oryndasaq qana naqty nátıjege qol jetkizemiz. Tıimdi ekonomıka qalyptastyryp, ıgilikterimizdiń bárin – jer, sý, tabıǵı baılyqtardy ádil de tıimdi paıdalanýymyz kerek. Sonda ǵana halyqtyń ál-aýqaty artyp, memleketimiz órkendeıdi.
Qýat BAIQOJAEV,
«Amanat» partııasy
Almaty oblystyq
fılıalynyń tóraǵasy
