Joldaýdan árbir adamnyń kókeıinde júrgen máselelerdi qamtyǵan, memlekettiń damýy men halqymyzdyń ómirine áser etetin birshama jańashyldyqty sezindik. О́ıtkeni Memleket basshysy el damýyndaǵy barlyq mańyzdy degen máselelerdi atap aıtyp, sheshý joldaryn da usyndy. Prezıdent Joldaýda eń tómengi aılyqtyń 85 myń teńgege ósetinin habarlap, azyq-túlik baǵasyn erekshe qadaǵalaýdy tapsyrdy. Bul – halyqtyń áleýmettik jaǵdaıyn jaqsartýǵa jasalǵan mańyzdy qadamdardyń biri.
Deni saý, bilimdi urpaq – memlekettiń qazynasy men jarqyn kelesheginiń kepili. «Jaıly mektep» sekildi ıgi baǵdarlamalar eldiń bolashaǵyna zor úles qosatyn, myqty ári bilimdi jastardy daıarlaıtyn orta bolatynyna senimdimin. Bul – bolashaǵymyzdyń jarqyn kepili. Sondyqtan da buqaralyq sport pen ǵylymdy damytý týraly oılary da halyqtyń kóńilinen shyǵatynyna senim mol.
Sonymen qatar Prezıdent el azamattaryn, atap aıtqanda, jastardy Otanymyzdyń aldynda adal qyzmet etýge, abyroıly is jasaýǵa, toǵysharlyqtan arylyp, erinbeı eńbek etýge shaqyrdy.
Allabergen QONARBAEV,
Mańǵystaý oblystyq
máslıhatynyń depýtaty
