Sýretshi Gúlnur Muqajanova óz jumystarynda negizinen kıiz jáne mata paıdalanady. «Bosaǵa» týyndysy sol materıaldardan jasalǵan. Qazaqtyń «Tabaldyryqty baspa, bosaǵada turma» degen tyıymdary avtordyń qylqalamynda da kórinis tabady. Iаǵnı ulttyń talaı ǵasyrlarǵa ulasqan dástúr-uǵymdary beınelengen. Kórermendi tańǵaldyrǵan taǵy bir týyndy – maldyń terisinen jasalǵan adam denesiniń músini. Júrek tusynda shanshylyp turǵan ıneler myń ólip, myń tirilgen qazaq halqynyń qaıǵy-qasiretin sıpattaıdy.
«Kóshpeliler ýaqytynda ata-babalarymyz qanshama qıyndyqtardan ótti. Sonda da búgingi urpaqqa baı salt-dástúrimiz, mádenıetimiz jetti. Meniń maqsatym – qazaqtyń árýaqtarynyń rýhyn kórsetý, saqtaý, álem halqyna jetkizý, qurmetteý», deıdi Gúlnur Muqajanova.
Aıta keteıik, bul – Gúlnurdyń Londondaǵy úshinshi kórmesi. Al ózi Berlınde turady. On jyldan astam ýaqyttan beri shyǵarmashylyǵy arqyly Germanııada týǵan jerin tanytyp júr.
«2022 jyldyń naýryz aıynda Aıǵanamen alǵash kezdeskende-aq onyń shyǵarmalaryna tánti boldym. Biz ártúrli stıl men formalarda jumys jasasaq ta, bizdi erekshe jaqyndastyratyn kúsh bar. Ol bizdiń tamyrymyzda, tarıhymyzda, ata-babalarymyzda, jerimizde jatyr. Biz boıymyzdaǵy uqsas energııany sezindik», deıdi G.Muqajanova.
Aıǵana Ǵalı da sheteldik kórmelerge jıi qatysatyn sýretshi. Ol Londondaǵy kórmege «Táńir» serııasyna kiretin kartınalaryn ákelgen. О́mirdiń qalaı bastaý alyp, jalǵasatynyn jetkizýge tyrysqan.
«Men úshin, eń aldymen mádenıetimizdi kórsetý mańyzdy. Bizdiń eshkimge uqsamaıtyn mentalıtetimiz bar, ony barshaǵa túsinikti tilmen, óner tilimen jetkizý qajet», deıdi Aıǵana Ǵalı.
Kórmeni Londondaǵy Ainalaiyn Space zamanaýı óner uıymy uıymdastyrdy. Onyń art-kýratory jáne negizin qalaýshy Indıra Dúısebaeva-Zııabek seriktesteri Loran Leman jáne Dına Baıtasovamen birge AIDA (Halyqaralyq ónerdi damytý qaýymdastyǵy) kommersııalyq emes óner uıymy arqyly Ortalyq Azııadaǵy zamanaýı ónermen on jyldan beri jumys istep keledi. Igi bastama 2013 jyly Venesııadaǵy Qazaqstannyń jeke pavılonynan bastalypty. One Step/pe Forward kórmesi elimizdiń alǵashqy zamanaýı óner shoýy retinde tanyldy. Ol kórmede qazaq dalasynyń keńdigi negizgi taqyryp bolǵan edi. Uıymdastyrýshylar Ortalyq Azııadaǵy zamanaýı sýretshilerge qanshalyqty qoldaý qajet ekenin túsindik deıdi. О́tken jyly qurylǵan platforma halyqaralyq art-rezıdensııa retinde qyzmet etedi jáne ǵylym, sáýlet jáne ádebıet boıynsha qoǵamdyq oqý baǵdarlamalaryn usynady.
«Ainalaiyn Space jobasyna bir jyl endi bolady. Sonda da biz Londondaǵy Mimosa House, Exposed Arts Projects, Hellenic Centre sııaqty óner ınstıtýttarymen, art-rezıdensııa kezinde Grekııanyń Meteora geologııalyq qurylymdarynyń murajaıymen yntymaqtasa aldyq», dedi Dúısebaeva-Zııabek.
Aıta keteıik, kórme 15 qazanǵa deıin jalǵasady.
