Eń aldymen quqyqtyq tártip áskeriniń Bas tárbıeshisi Batys Qazaqstan oblysy ákiminiń orynbasary Baqytjan Narymbetpen kezdesý ótkizdi. О́ńir ákiminiń orynbasary Ulttyq ulan generalyn jyly shyraımen qarsy alyp, oblysta Qazaqstan Halqy Assambleıasynyń basshylyǵymen uıymdastyrylyp jatqan Respýblıkalyq analar keńesine qatysýǵa kelisimin bergeni úshin alǵysyn bildirdi. Baqytjan Haberulynyń aıtýynsha, general-maıor Q. Úmbetov úshin Jaıyq óńiri ekinshi úıindeı bolyp ketken. Jergilikti turǵyndar Qaırat Jarylqasynulynyń oblystaǵy qyzmetin jáne jastar arasyndaǵy patrıotızmdi nyǵaıtýǵa qosqan jumystaryn áli kúnge deıin umytqan joq. Bolashaqta oblysta zamanaýı úlgidegi áskerı – mektep ınternatyn salý josparymen bólisti.
О́z kezeginde Halyq qaharmany oblys basshylyǵynyń óńirdegi Ulttyq ulan áskerimen áriptestik negizdegi qarym-qatynastar ornatqany úshin alǵysyn bildirip, quqyqtyq tártip áskeriniń Bas qolbasshysy general-leıtenant Erkin Botaqanovtyń sapar barysyna qoıǵan tapsyrmalarymen jáne mańyzdy respýblıkalyq sharaǵa qatysty josparlarymen tanystyrdy. Sondaı-aq, Ulttyq ulan Bas qolbasshysynyń buıryǵymen Batys Qazaqstan oblysy ákiminiń orynbasary Baqytjan Narymbetovty «Quqyqtyq tártip áskerine – 30 jyl» merekelik medalimen marapattady. Eki tarap osyǵan deıin qol jetkizilgen dostyq negizdegi áriptestik qarym-qatynastardy ári qaraı da jalǵastyrý boıynsha kelisti.
Joǵaryda atalǵan merekelik medalmen Oral garnızony boıynsha áskerı prokýror ádilet podpolkovnıgi Marat Butymbaev ta marapattaldy. Kezdesý oblystyq prokýratýra ǵımaratynda ótti. Genaral-maıor Qaırat Úmbetov sapar aıasynda qyzmetke jańa taǵaıyndalǵan áskerı prokýrormen kezdesý ótkizdi. Qos tarap óńirdegi quqyqtyq tártip pen áskerı ortadaǵy zańdylyq týraly pikirlesti. Ádilet podpolkovnıgi Marat Butymbaev Ulttyq ulan áskerı bólimderimen jumys barysy týraly áńgimelese kele, prokýratýra qyzmetkerleriniń áskerı ortada zań men tártipti nyǵaıtý boıynsha árkez qoldaý kórsetetinin jetkizdi.
«Ulttyq ulan – quqyqtyq tártip áskeri. О́z qyzmetinde árqashan zańdylyqty saqtaý prınsipterin basshylyqqa alady. Elimizde tynyshtyq pen turaqtylyqty qamtamasyz etý, qorǵanys qabiletin nyǵaıtý bizdiń ortaq mindetterimiz. Búgingi marapatyńyz osy mindetti birge júzege asyrýǵa óz septigin tıgizetinine senimdimin», dedi general-maıor Qaırat Úmbetov marapatty tapsyrý barysynda.
Sapar barysynda Halyq Qaharmany Oral qalasynyń qurmetti aqsaqaly Uly Otan soǵysynyń ardageri Venıamın Skolenkomen kezdesti. Shara qarttar kúni merekesine oraı uıymdastyryldy. Ulttyq ulannyń áskerı orkestiri ardagerdiń aýlasyna kelip, soǵys jáne patrıottyq taqyryptaǵy shyǵarmalardy oryndady. General-maıor Qaırat Úmbetov ardagerdiń aldynda quttyqtaý sóz sóılep, baǵaly syılyqtardy tapsyrdy.
«Ulttyq ulan áskeri jaýyngerlik dástúrdi berik ustanǵan ásker túri. Biz árkezde aradagerlerimizge qurmet kórsetýge, sizder syılaǵan beıbit kúnderdi saqtaýǵa, elimizdi qorǵaýǵa daıynbyz. Sizdi qarttar kúni merekesimen shyn júrekten quttyqtap, alǵysymyzdy bildiremiz», degen Halyq qaharmany Ulttyq ulan Bas qolbasshysynyń quttyqtaý hatyn oqyp berdi.
Ardager kórsetilgen qurmetke alǵysyn aıtyp, halyqty birlik pen dostyqqa shaqyrdy. El qorǵaýynda júrgen azamattarǵa zor densaýlyq tiledi.
Shara Ulttyq ulannyń 5517 áskerı bóliminiń áskerı orkestriniń súıemeleýdeýimen oryndalǵan shaǵyn konsertke ulasty.
