О́ńirlik IT-habtar ınnovasııalyq jobalardy damytyp, aqparattyq tehnologııalar salasynda bilikti mamandar daıarlaýǵa kómektesedi. Startap, mentor, ınvestorlardy biriktiredi.
IT-hab – IT qaýymdastyǵyn qurýǵa arnalǵan erekshe keńistik. Inkýbasııalyq kezeńde startap-jobalardy ázirleýde qalyptasqan biregeı júıe bar. Iаǵnı kásipkerlikti, qarjylyq esep júrgizýdi úıretip, ınvestısııalar tartýǵa kómektesedi.
– Qazir barlyq óńirde IT-habtardyń qyzmetin damytý jáne túrli is-sharalardy uıymdastyrýmen aınalysatyn komýnıtı-menedjerler jumys isteıdi. О́ńirlerde «Digital nomands» seriktestiginiń sabaqtary jáne «Google Def» usynǵan beıresmı kezdesýler jıi ótkiziledi. Búgingi tańda óńirlik habtarda 7 myńnan asa adamnyń qatysýymen 300 is-shara ótkizildi, – dedi «Astana Hub» halyqaralyq tehnoparki О́ńirlik damý keńsesiniń dırektory Aıda Dosova.
О́ńirlik IT-habtardy damytý – «Astana Hub»-tyń basym mindetteriniń biri. Bıylǵy maqsat – búkil el boıynsha 14 óńirlik IT-hab ashý. Memleket basshysy Qasym-Jomart Toqaev óńirlik deńgeıde ınnovasııalyq ekojúıeni keńeıtýdiń mańyzdylyǵy týraly jıi aıtady.
– Meniń sıfrlandyrý isine jáne ınnovasııany engizý máselesine basa mán beretinimdi barshańyz bilesizder. Bizdiń mańyzdy strategııalyq mindetimiz – Qazaqstandy IT-memleketke aınaldyrý. Sıfrlandyrý isinde naqty jetistikterimiz de joq emes. Biz elektrondy úkimetti jáne fıntehti damytý ındeksi boıynsha álem kóshbasshylarynyń qatarynda turmyz. 2026 jylǵa qaraı IT qyzmetteriniń eksportyn 1 mlrd dollarǵa jetkizý – Úkimetke júkteletin jańa mindet, – degen edi Prezıdent.
Bul maqsatta Sıfrlyq damý, ınnovasııalar jáne aeroǵarysh ónerkásibi mınıstrligi men «Astana Hub» jáne jergilikti atqarýshy organdar aıtarlyqtaı jumys atqardy. Jyl basynan beri elimizdiń myna óńirlerinde – Semeı, Qyzylorda, Taldyqorǵan, Taraz, О́skemen, Oral, Túrkistan, Aqtóbe, Qostanaı, Kókshetaý, Pavlodar, Aqmolada IT-habtar ashyldy.
