2021 jylǵy Ýımbldon dodasynyń jeńimpazy Rybakına Beıjińdegi týrnırdiń alǵashqy aınalymynda jarys qojaıyny, álemdik reıtıngte 23-orynda turǵan qytaılyq Sınven Jendi eki sette 6:1, 6:2 esebimen tize búktirse, ekinshi kezeńde 36 jastaǵy germanııalyq Tatıana Marııamen sheberlik baıqasty. Dúnıejúzilik reıtıngte 53-orynda turǵan Tatıana da otandasymyzdyń qarqynyna tótep bere almady. Bir saǵat 11 mınýtqa sozylǵan matchtyń birinshi partııasynda Rybakına 7:5 esebimen basym tússe, ekinshi sette qarsylasyna birde-bir geım bermeı, 6:0 nátıjesimen bet qaratpaı jeńdi. Oıyn barysynda E.Rybakına 9 eıs jasap, 7 breık-poınttyń beseýin paıdalandy. T.Marııa 1 eıs, 1 breıkpen shekteldi.
Sondaı-aq Shanhaıdaǵy «Masters» sanatyndaǵy «myńdyq» týrnıriniń irikteý kezeńinde óner kórsetken úsh jerlesimiz – Beıbit Juqaev, Denıs Evseev jáne Mıhaıl Kýkýshkın jarystyń negizgi básekesine qosyldy. Irikteý básekesiniń fınalynda D.Evseev taıpeılik Týn-Lın Výden, Mıhaıl Kýkýshkın aýstralııalyq Lıýk Sevılden, Beıbit Juqaev chehııalyq Domınık Palannan basym tústi.
