Saýaldamaǵa elimizdiń ár óńirinen makroekonomıkalyq kórsetkishterdi taldaý jáne boljaýmen aınalysatyn AERC, Halyk Finance, Jusan Invest, NAC Analytica, Azııa damý banki, AKRA, Eýrazııalyq damý banki, Eýrazııalyq ekonomıkalyq komıssııa, Renessans kapıtal, Frıdom fınans jáne Ekonomıkalyq zertteýler ınstıtýty jalpy 11 uıymnyń arasynda halyqaralyq uıymdar men reıtıngtik agenttikter qatysqan.
Makroekonomıkalyq sholý – Ulttyq banktiń naryqtaǵy kásibı qatysýshylarymen kommýnıkasııalaryn jaqsartýǵa jáne sarapshylar qaýymdastyǵymen dıalog ornatýda retteýshi ári naryq arasyndaǵy aqparattyq assımetrııany azaıtýǵa baǵyttalyp otyr.
Atalǵan saýaldamaǵa Bas banktiń boljamdary qamtylyp, onda ishki jáne álemdik naryqtaǵy ahýal, onyń damý barysyna qatysty kásibı qatysýshylardyń pikirleri, baǵalaýlary men kútýlerine sholý jasalǵan. Bıylǵy jyldyń qyrkúıek aıynda respondentter boljamnyń túgelge jýyǵy munaı baǵasynyń ssenarıı shartyna qaraı ósý jaǵyn qaıta qarastyrdy.
2023-2024 jyldary el ekonomıkasynyń ósimine jasalǵan boljamdar aldyńǵy mánde (sáıkesinshe 4,4% jáne 4,3%) saqtalyp, 2025 jylǵa boljam 4,4%-dan 4,5%-ǵa ulǵaıatyndyǵyn aıtady.
Taldaýshylar 2023 jylǵa arnalǵan ınflıasııa boljamyn 12%-dan 11,5%-ǵa deıin, 2024 jylǵa – 8,5%-dan 8,3%-ǵa deıin jaqsaratyndyǵyn, 2025 jylǵa boljam –7% deńgeıinde saqtalatyndyǵyn atap ótken. Sarapshylardyń osy jylǵa ınflıasııalyq kútýleri ártúrli baǵytta ózgerip, tamyz aıynda naqty ınflıasııa 13,1% deńgeıinde bolǵanyna qaramastan, jyl sońynda 8,3% ben 15% aralyǵynda qalyptasýy múmkindigin aıtyp berdi.
Osylaısha, bıýdjettik shyǵystardyń ósýi men ishki turaqty suranysqa baılanysty keıbir respondentterdiń ınflıasııalyq kútýleri joǵary deńgeıde saqtalǵan.
2023-2025 jyldar aralyǵynda bazalyq mólsherleme jónindegi kútýler jylyna orta eseppen sáıkesinshe 16,5% jáne 10% deńgeıinde ózgerissiz qalǵandyǵyn jetkizdi.
Aldaǵy ýaqytta bazalyq mólsherleme boıynsha sheshimder jylyna kem degende 4 ret turaqty túrde júrgizý josparlandy.
Sonymen sholý nátıjelerine qaraǵanda Brent markaly munaı baǵasy barrel úshin jylyna orta eseppen – 99,182 AQSh dollary, ishki jalpy ónim – 3,2-4,4, bazalyq mólsherleme jylyna orta eseppen – 13,9 taýarlar men qyzmetter eksporty jylyna – 94,1 mlrd AQSh dollary,taýarlar men qyzmetter ımporty jylyna – 59,2 mlrd AQSh dollary, USD/KZT kýrsy jylyna orta eseppen – 460,5 boldy.
Osydan biraz buryn Ulttyq bank sheteldik ınvestorlardyń elimizdegi makroekonomıkalyq jaǵdaıy men bizdegi kapıtal naryǵyna sholýdy júrgizip, esebin jarııalaýdy bastaǵan-dy.
Esep álemdik qarjy naryǵyndaǵy teńge aktıvterin jahandandyrý jáne baǵaly qaǵazdardyń halyqaralyq ındeksterine kirý úderisinde Qazaqstannyń pozısııasyn nyǵaıtý sharalary aıasynda júrgizip otyr.
