Jarystyń saltanatty ashylý rásiminde Qazaqstan Respýblıkasynyń Týrızm jáne sport vıse-mınıstriniń mindetin atqarýshy Sársen Quranbek, Astana qalasynyń dene shynyqtyrý jáne sport basqarmasy dırektorynyń orynbasary Erkeǵalı Korbozov, Ulttyq Paralımpıada komıtetiniń vıse-prezıdenti Bahyt Saparov, Qazaqstan parahokkeı federasııasynyń prezıdenti Bolat Býshanov syndy myrzalar qatysyp, sportshylarǵa sáttilik tiledi.
«Parahokkeıden ulttyq qurama 2022 jyly Taılandta ótken «S-Pool» álem chempıonatynda ekinshi oryn alyp, «B-Pool» jarystaryna joldama aldy. Mine, endi, «B-Pool» álem chempıonaty elordamyzda ótedi. Bul halyqaralyq sport qaýymdastyǵynyń elimizge artqan senimi dep bilemiz. Osy jarysty laıyqty deńgeıde ótkizýge basty seriktesterimiz Sport Qory, «Samuryq-Qazyna» AQ, Týrızm jáne sport mınıstrliginiń sport jáne dene shynyqtyrý isteri komıteti, Ulttyq Paralımpıada komıteti, Astana qalalyq sport jáne dene shynyqtyrý basqarmasy úlken kómek kórsetýde. Birigip álem chempıonatyn joǵary deńgeıde ótkizemiz dep senemin», dedi parahokkeıden Qazaqstan federasııasynyń bas hatshysy Qaırat Sabırov.
Baıraqty básekedegi alǵashqy oıyn alań ıeleri men Slovakııa komandalarynyń arasynda ótti.
