Baýyrlas qalalar baılanysy

Is-shara aıasynda Ázerbaıjan Respýb­lıkasynan kelgen delegasııa oblys ákimi Darhan Satybaldymen kezdesip, mádenı, ekonomıkalyq jáne rýhanı baılanystardy nyǵaıtý barysyn áńgime etti. «Búginde qaıta túlep, túrlenip kele jatqan Túrkistan obly­synyń halqy 2 mıllıonnan asady. О́ńirdiń áleýeti joǵary, ınves­tor­larǵa tolyq qoldaý kórsetip keledi. Ázerbaıjan kompanııalaryn da ınves­tısııa salýǵa, birlese jumys isteýge shaqyramyn», dedi Darhan Saty­baldy. Al Túrki mádenıeti men murasy halyqaralyq qorynyń prezı­denti Gıýnaı Efendıeva Túrkis­tannyń una­ǵanyn, adamdary da aýa raıy sekildi jyly ekenin aıtty. Týrızm, mádenıet salalary boıynsha birlese jumys isteýge daıyn ekenderin, bul kezdesý – sol ıgi isterdiń bastamasy ekenin málimdedi. Ázerbaıjan Respýblıkasy Prezıdentiniń Shýsha qalasyndaǵy arnaıy ókili Aıdyn Kerımov jáne Ázerbaıjan Respýblıkasynyń Qazaqstan Respýblıkasyndaǵy Tótenshe jáne О́kiletti elshisi Agalar Atamoglanov Túrkistan men Shýsha qalalarynyń tarıhı róli, Túrki elderiniń birligi jóninde oı qozǵady. Qushaq jaıa qarsy alǵan Túrkistan jurtshylyǵyna alǵystaryn bildirdi.

Shýsha qalasy kúnderiniń resmı ashylýynda oblys ákiminiń orynbasary Beısen Tájibaev tarıhta orny bar qaharman qalalardyń bir-birimen baılanys ornatýy zańdylyq ekenin atap ótti. Túrkistan men Shýsha arasyndaǵy ekonomıkalyq, rýhanı, mádenı jáne týrıstik baılanystar nyǵaıa túsetinine senim bildirdi. Is-shara barysynda «Hýrshıdbaný Natavan» atty derekti fılm kór­se­tildi. Ázerbaıjannyń mýgam-trıo­synyń óneri, Túrki mádenıeti men mura­sy halyqaralyq qorynyń bastaýy­men qurylǵan «7 sulý» mýzykalyq ansam­bliniń konserti kórermen naza­ryna usynyldy. Sondaı-aq kóp­shilik Shýsha sýretshileriniń kór­mesin, dızaıner jáne modeler Gýlnar Halılovanyń «Karabahtyń ult­tyq kıimderi» defılesin tamasha­la­dy. Túrki mádenıeti men murasy halyq­ara­lyq qory men Q.A.Iаsaýı atyndaǵy halyqaralyq qazaq-túrik ýnıversıteti arasynda memorandýmǵa qol qoıyldy. Kesh sońynda qor prezıdenti estelik syı­ tabystap, qurmet kórsetti. Qonaq­tar­ Túrkistannyń kórikti oryndaryn ara­lady.

Túrkistan oblysynda 23 myńnan asa ázerbaıjan etnosynyń ókili tura­dy. Oblystyq «Garabah» etno­má­denı birlestigi jumys isteıdi. Ázer­baıjan etnosynyń tili, mádenıe­ti­ men dástúri kúnine arnalǵan is-shara­lar ótkizilip turady. О́ńirdiń qol­óner­shiler assosıasııasy mamyr aıynda Shýsha qalasynda ótken kórmege qatysyp, qazaqtyń salt-dástúrleri men qolóner buıym­da­ryn tanystyrǵan bolatyn. Al Shámshi Qaldaıaqov atyndaǵy oblystyq fılar­mo­nııasynyń ártis­teri óner kórsetti.

Aıta ketelik, «Túrki áleminiń mádenı astanasy» jobasynyń negizi 2010 jyly túrkitildes memleketter basshylarynyń Ystanbulda ótken 10-sammıtinde qalanǵan bolatyn. Sheshimge sáıkes, jyl saıyn Túrki áleminiń bir qalasy «Mádenı astana» bolyp jarııalanady. Shýsha – osy qurmetke ıe bolǵan 11-qala. Bıyl mamyrda «Shýsha – Túrki áleminiń 2023 jylǵy mádenı astanasy» jylynyń resmı ashylý saltanaty ótti.

TÚRKISTAN