Foto: gov.kz
23 qyrkúıek - 8 qazan aralyǵynda Qytaıdyń Hanchjoý qalasynda XIX jazǵy Azııa oıyndary ótti. Jarysta Qazaqstan quramasyna 80 medal buıyrdy. Elorda ákimdiginiń málimetinshe, oljaly qaıtqan sportshylardyń arasynda astanalyqtar da bar.
«Jarysqa astanalyq qurama komandanyń 5 sportshysy djıý-djıtsý jáne shahmat sport túrlerinen synǵa tústi. Komandanyń qorjynynda 1 altyn, 1 kúmis jáne shahmattan qyzdar quramasy komandalyq qola júldege ıe boldy. Azııa oıyndarynda djıý-djıtsý sport túrinen synǵa túsip, chempıon atanǵan astanalyq sportshy Nurjan Batyrbekov el qorjynyna 10 altynnyń bireýin alyp keldi. Sol sııaqty jerlesimiz Galına Dývanova kúmis júldege ıe boldy», delingen Astana qalasy ákimdiginiń málimetinde.
