Dıdar aqyn daralandy

Mahambet atyndaǵy aka­de­mııalyq qazaq drama teatryn­daǵy jyr báıgesin halyqara­lyq qazylar alqasy saralady. Qazaqstan Jazýshylar odaǵynyń basqarma tóraǵasy Mereke Qulkenov tóraǵalyq etken qazylar alqasynyń qu­­ra­myna qyrǵyz ulttyq «Manas» teatrynyń dırek­tory, Sh.Aıt­matov atyndaǵy mem­lekettik jastar syılyǵynyń laýreaty Azız Bıımyrza ýýlý endi.

Aıtys eki kúnge sozyldy. Alǵashqy kúni elimizdiń aqyn­darymen birge jyr kórigin moń­ǵolııalyq qandas Aıdos Rashat­uly, qyrǵyzstandyq Esenbek Kııızbaev pen Amantaı Kýma­nalıev qyzdyrdy. Ekinshi ke­zeńde ushqyr oıymen erekshelengen segiz aıtysker sahnaǵa shyqty.

Aqyndar Sultan Beıba­rys­tyń tulǵalyq bolmysyn, memleket basqarýdaǵy qaırat­ker­li­gin arqaý etti. Degenmen, munaıly óńirdiń jetistikteri men túıindi máselelerin de qa­lys qaldyrmady. Jyr doda­synda qaraǵandylyq aıtys­ker Dıdar Qamı dara shapty. Qazylar alqasy alǵyr aqynnyń arynyn oryndy ba­ǵalap, aıtystyń bas júldesi – 1 mln teńgeni ıelenýge laıyq dep tapty.

Al birinshi júlde – 750 myń teńgeni astanalyq aqyn Erkebulan Qaınazar ıelendi. О́zindik sóz saptaýymen, má­ne­rimen kórinip júrgen aty­raý­­lyq óren О́nerbek Dáýle­ke­nov ekinshi júldeniń syı­aqysy – 600 myń teńgege ıe bol­dy. Úshinshi júldeniń 500 myń teńgesi eki aıtyskerge be­rildi. Onyń biri – Batys Qazaq­stan oblysynyń aqyny Tal­ǵat Myqı, al ekinshisi – qyrǵyz­standyq Esenbek Kııızbaev.

Sondaı-aq úsh aqyn Batyr­jan Kádirbaı (Atyraý oblysy), Raýan Qaıdar (Pavlodar oblysy), Baýyrjan Shırmedınuly (Batys Qazaqstan oblysy) arnaıy júldeni ıelendi. Olardyń árqaısysyna arnaıy júlde úshin 350 myń teńge berilse, alty aqyn 300 myń teńgeden yntalandyrý syıaqysyn al­dy. «Halqymyzdyń ejelden kele jatqan ulttyq óneriniń qa­tarynda aıtys ta bar. Kó­rer­men aıtystyń qyzyqty ót­ke­nin qalaıdy. Qarsylasy myqty, kórermeni kóp bolsa, aıtyskerler ashyla túsedi. Shabyty oıanady. Memleket bas­qarǵan tarıhı tulǵa Sul­tan Beıbarys babamyzǵa arnal­­ǵan halyqaralyq aıtys joǵa­ry deńgeıde ári ádil ótti. Aty­raý­da ótken aıtystan ekinshi ­ret bas júlde alyp turmyn», dedi D.Qamı.

Qyrǵyzstannan kelgen Esen­bek Kııızbaevtyń aıtýyn­sha, mundaı halyqara­lyq aıtys kóbirek ótkeni jón. О́ıt­keni aıtys – qazaq pen qyrǵyzǵa ortaq óner. «Mundaı ha­lyqaralyq aıtys jıi ótpeı­di ǵoı. Sol sebepten, baýyrlas eki halyqtyń dostyǵyn jyrǵa qostym. Burynnan eki eldiń aqyn-jazýshylary bir-biriniń shyǵarmashylyǵyna qoldaý bil­dirip, dostyq qarym-qaty­nas ornatqanyn bilemiz. Biz de sol joldy jalǵaǵymyz kele­­di», dedi Esenbek Kııızbaev.

Atyraý oblysy