Foto: gov.kz
Q.Qambarovtyń aıtýynsha jastardyń jumyssyzdyq deńgeıi byltyrǵy osy kezeńmen salystyrǵanda 0,6% tómendegen. Jastardy jumyspen qamtý boıynsha ákimdikpen birneshe baǵdarlama júzege asyrylyp jatyr: «Jastar praktıkasy», «Alǵashqy jumys orny», «Urpaqtar kelisimsharty» jáne t.b.
Basqarma basshysynyń sózinshe jastarǵa arnalǵan bos oryndar jármeńkeleri ár toqsan saıyn ótkizilip keledi. Kelesi joly sondaı jármeńke qazannyń 24-ine josparlanǵan.
«Jaz aılarynda «Jasyl el» jobasy aıasynda jumys istegen 4200 jastyń ishinde: kópbalaly otbasylardan shyqqandar – 2648, tolyq emes otbasynan shyqqan balalar – 387, jetim balalar – 69, oqý ornynda esepte turǵan – 11, otbasynda bir múmkindigi shekteýlisi bar – 34 bala», dedi Qaırat Qambarov.
Ol óz sózinde jumyspen qamtý máselesinde NEET sanatyndaǵy jastardy erekshe atap ótti. Iаǵnı NEET sanatyndaǵy jastar degenimiz – oqý oqymaıtyn, jumys istemeıtin azamattar. Olardyń úlesi II toqsan qorytyndysy boıynsha 6,1% nemese 25 myń adamdy quraıdy. Olardy áleýmettendirý maqsatynda «Jas jiger» jobasy uıymdastyrylady.
