Foto: ashyq derekkóz
«Almaty jylý júıesi» JShS málimetinshe, búginnen bastap medısına, bilim berý uıymdary men ózge de áleýmettik nysandarǵa kezeń-kezeńimen jylý beriledi.
Birinshi kezekte áleýmettik nysandardy jylý júıesine qosý josparlanǵan. Mundaı sheshim osy uıymdardyń jumys ereksheligin eskerip qabyldanǵan. Jańa jylytý maýsymynyń bastalýy meteorologııalyq boljamdar men Almatydaǵy aýa raıynyń kúndelikti monıtorıngi negizinde aıqyndalypty.
Almaty qalasynda jylytý maýsymyna daıyndaý jáne ótkizý erejesine sáıkes, jylytý kezeńi temperatýralyq rejımdi eskerile otyryp bastalady.
Bul rette tutynýshylarǵa jylý berý mynadaı kezekpen júrgiziledi:
- balalar, emdeý, mektep mekemesi, kásiptik mektepter, medısınalyq-áleýmettik mekemeler:
- turǵyn úıler, jataqhanalar, qonaq úıler;
- ákimshilik ǵımarattar, oqý oryndary, teatrlar;
- basqa da ǵımarattar.
