Qoǵamdyq kelisimdi óner ushtaıdy

Oblystyq ishki saıasat basqarmasy bas­­ty­ǵynyń orynbasary Kemel Ospa­nov­­­tyń jetekshiligimen ótken basqosýǵa Qa­zaq­stan men KSRO halyq ártisi jáne Mem­lekettik syılyqtarynyń laýreaty, Eńbek Eri Asanáli Áshimov, Halyq ártisi Tilektes Meıramov, Qazaq­stan­nyń eńbek sińirgen qaıratkeri Syrym Qas­qabaev bastaǵan bir top óner maıtal­ma­ny qatysty. Sonymen qatar etnos­ara­lyq­ qatynastar máseleleri jónindegi res­­pýb­­­lıkalyq aqparattyq-túsindirý toby, etnomádenı birlestikter ókilderi, ǵyly­mı-shyǵarmashylyq zııaly qaýym, qoǵam­­dyq, onyń ishinde azamat­tyq qo­ǵam­ ınstıtýttarynyń kósh­basshylary boldy.

Soltústik Qazaqstan oblysy qashanda óziniń kópmádenıetti áralýandyǵymen qatar, etnostar arasynda qalyptasqan jyly qarym-qatynasymen erekshelenedi. QHA-nyń etnomádenı birlestikteri men qurylymdyq bólimsheleri – azamattyq qoǵam men memleket ókilderi arasynda baılanys ornatatyn býyn, etnosaralyq kelisim men birlikti nyǵaıtý salasyndaǵy memlekettik saıasatty taratýshy rólin atqarady. Olar óńirdiń qoǵamdyq ómi­rin­de belsendi, oblysymyzdyń atynan­ respýblıkalyq jáne halyqaralyq deń­geı­­degi túrli is-sharalarǵa qatysady.

Qazaqstan halqy Assam­bleıa­synyń biregeı baǵdar­la­ma­larynyń biri – el­ hal­qynyń mádenıetine, tarıhyna,­ dás­túr­­lerine tereńirek úńilýge baǵyttalǵan «Qazaq­taný» jobasy. Soltústik Qazaq­stan oblysynda bul joba erekshe tany­mal. Joba negizgi 5 baǵyt boıynsha ju­mys­ isteıdi. Olar – «As dámdi bolsyn!», «Qazaqtime», «Halyq murasy», «Ulttyq oıyn­darmen tanysaıyq», «Asyl mura». Joba aıasynda Naýryz meıramy qar­sa­ńynda etnomádenı birlestikter arasyn­da­ «Tompaq baýyrsaq» baıqaýy, qazaq tilin­de «Ǵajaıyptar alańy» oıyny, «Sheberlerdiń qalasy» sándik-qol­dan­­baly shyǵarmashylyq jármeńke-kór­mesi, ulttyq oıyndardan jarys, jer­gilikti emes ult ókilderi arasynda «О́ne­rimiz saǵan, Qazaqstan!» festıvali ótki­ziledi. Bıyl «Qazaqtaný» jobasyn iske asyrýdyń bir mysaly Shákárimniń mereı­toıyna arnalǵan beınerolıkter baıqaý-chellendji boldy.

Basqosý kezinde Asanáli Áshimov, Tilek­tes Meıramov qoǵamdyq kelisimge qatys­ty oı-pikirlerin ortaǵa saldy. О́ner maıtalmandary túrli etnostardyń ózara berik dostyǵyn ornatýda, saqtaýda ónerdiń alatyn orny zor ekenin jetkizdi. О́zderiniń orys jáne basqa ulttar arasyndaǵy dostarynan kórgen qoldaýlaryn, olarǵa ózderiniń de qoldan kelgenshe jasaǵan kómekteri týraly qyzyqty áńgimelerin aıtty.

Jıynda Ǵ.Músirepov aýda­ny­nyń­ «Ulytaý» etnomádenı ortalyǵy tóraǵa­synyń orynbasary Nıkolaı Verbov­skıı, M.Qozybaev atyndaǵy Soltústik Qazaq­stan ýnıversıteti «Qazaq­­stan halqy Assambleıasy» kafed­ra­synyń meń­gerý­shisi Lıýdmıla Grı­ven­naıa jobaǵa qatys­ty baıandamalarymen tanystyrdy. Jıynda Mońǵolııanyń astanasy Ulanbatyr qalasyndaǵy Shyńǵyshan akade­mııa­synyń Qurmetti akademıgi Ǵızzat Tabyldın, QHA Keńesiniń múshesi, «Daryn» jastar syılyǵynyń laýrea­ty Tımýr Jumyrbaev taǵy da basqa qaty­sý­shylar sóıledi. Jastarmen qalaı jumys isteý qajet, Assambleıanyń osy zamanǵy beınesin qalaı jasaımyz degen suraqtar tóńireginde kózqarasymen bólisken Tımýr Jumyrbaevtyń baıandamasy tyńdaýshylardy qyzyqtyryp, oǵan taqyrypqa qatysty birneshe suraq qoıyldy.

Jıynǵa kelgen qonaqtar aqyn Maǵ­jan­­ Jumabaı eskert­ki­shine gúl shoq­ta­ryn qoıyp, oblystyq mý­zeı­di tamashala­dy. Sondaı-aq jıynǵa qaty­sý­shy­lar­ M.Qozybaev atyndaǵy SQÝ QHA kafe­d­ra­­synyń jumysymen tanysty.

Soltústik Qazaqstan oblysy